ضاوي الرويس
11-28-2007, 09:33 PM
بسم الله الرحمن الرحيم ..
السلام عليكم ورحمة الله وبركاته ...
اليكم قصائد شعراء الروسان...كلنا لانحصي شعراء القبيله اجمع ...
حبيت انزل هذا الموضوع .. لمشاركة الجميع فيه ...واذا احب أحد منا ان يشارك عليه التالي:
1- ان ينقل القصيده كامله دون نقص(والكمال لله سبحانه).
2- كتابة اسم الشاعر تحت القصيده .
3- تنسيق القصيده قدر المستطاع.
4- يذكر ان هناك نقص في الابيات ان وجد
اليكم القصائد...
هذه القصيده قالها شاعرنا في شيخ عتابه(بن حميد)عندما اعلن بمزاين عتيبه
سلام يابـن حميـد قايـد عتابـه=برقا وروق مرجحيـن الموازيـن
كم واحدٍ رمحك وسيفـك سطابـه=الشيـخ يفعـل والقبيلـه سطييـن
فقار نجـد يصيـح ممـا لجابـه=حذف الجثث والخيل يسرا وميامين
من فعل ابن هندي كعام الحرابـه=ينخى هل الهيلا دهـات المياديـن
صحيح ماتنفس ونشكي الإصابـه=لكن عزمنـا ليـن شلنـا الثقيليـن
حنـا تهقوينـا وطحنـا بغـابـه=لكن قسمنا غابـة الذيـب قسميـن
نسمع زفير النمر وعـوا الذيابـه=تقول في حشاها تخـج السكاكيـن
لكـن هيبتنـا تـروع العصـابـه=فرساننا من كـل فخـذٍ شجيعيـن
والبيت رفعه وسّطه والـذرا بـه=والكيف سوي ويق فنجاله الصيـن
في نجد رسينـا ودجنـا شعابـه=والشيخ يثنـي للرجـال المسميـن
نجد المسمى مشوهقـاتٍ هضابـه=حمر دغاسيات من تربـة الطيـن
وشوف العبل اليا تطـارد سرابـه=يدمي القلوب اللي علينـا غليليـن
وادي الرشا لاسال سيله نحا بـه=وهو متمثني نجـد يدحـم بمتنيـن
يروي العدود الموغره في شرابـه=يقطع ظما اللي بعيديـن وقريبيـن
وقال الرويس وجاك يلقي خطابـه=يصهل بفعل الشيخ ذخر السلاطين
ياحي علماً جابـه الشيـخ جابـه=والبل لهـا هيبـه وحنـا مطنيـن
حنا معك في الليـن والا صعابـه=تآمـر علينـا وكلانـا مستعديـن
الــــشاعر::مطلق بن مناحي بن عوجان الرويس
وهذه القصيده قالها الشاعر في شيخ قبيلته (ابن جامع)
على العز ياقصرٍ زما مثل ضلـع آبـان=يهيض النجوم المرقبه في دجـا الليلـي
بناه المسمى الشيخ في مخطط الروسـان=بمثنـاة نجـد بعبلـةٍ قصـره مهيـلـي
هذا الشيخ (ابن جامع)وشيخ من العتبـان=لـه هيبتـه والشيـخ يوفـي المكاييلـي
ابو خالد اللي شيختـه تبهـت الميـزان=يحـل الحبـال اليـا لوتهـا المحابيلـي
واليا سيق طيب العود يشفى به المرضان=يجي فالشنـط ماجـا وقيـه ولا كيلـي
ولا نيب انا اللي بمدحه تشهد له العربان=دلاله صفر رسـلان وبهارهـن هيلـي
وباب الكرم هـداج تيمـا زبـن عمـان=يشوف الحشو تنحـر ولا لـد فالحيلـي
وابا المعذره ياشيخ وان زل (ابن عوجان)=وانا بختصرها عن هل القـال والقيلـي
مـطـلـق بن مـنـاحـي بن عوجـان الرويس
هذه القصيده قيلت في (فياحي نجد)
عسى الوسم يامناحي يساقي فياحي نجـد=لا صلو صلاة الظهر مـع ميلـة الفيـه
يساقي دماث الارض ليـن بثراهـا تنـد=ووادي الرشا يضك مـن فـوق كبريـه
يسوقه ولي الكون جزلٍ اليـا مـن مـد=ويحيي نباته ىوأرضـه اللـي ضماويـه
هو الخالق القادر إليا قـال كـن مـا رد=بسط سبع أراضي وسبع الأسماء السماويه
وقلوبٍ تشيل من الحسد من بشر ماتعـد=وكلٍ يبا يحاسـب علـى حسنـه وسيّـه
واليا حط وسـط اللحـد واللحـد بيسـد=يبـا يشـوف ماسـوى بعينيـه مرئـيـه
وانا اشوف لي ناس سواء وشربها من عد=احد منصحٍ واحـدٍ يبـي هدمـة الطيـه
وترى الآدمي مسكين مقرود مثل القـرد=يسوقـه طمـع دنيـاه ويغـيـر النـيـه
وانا رجل ماأجامل ولا اقول كود الجـد=اليا صرت عاقل ليه انـا اجـادل العيـه
ولا شفت ناسٍ طبعها شين قلـت البعـد=اليا شفت دابٍ صـل تلقـى معـه حيـه
وانا يوم اجنب يا مناحـي وقالـوا صـد=اشوف الأخو يابـوك ماياصـل أوخيـه
مــطلق بن مناحي بن عوجان الرويس
هذه القصيده الثالثه او الرابعه في رثاء ابنه (ســـعد)ولاتحضرني القصايد الاخرى
ياقلب لا تحزن على شـي مقسـوم=دبرت إلـه رتـب الكـون ترتيـب
دنيا توريـك السعـاده طـرف يـوم=والبوم الاخـر تنخشـك بالمخاليـب
وخلك على صكات الايـام صمهـوم=ويعوظك اللي عالم وش ورى الغيب
رضيت بالجاري وابي اقول مرحوم=ومن لا صبر يصبر اجباري بلا طيب
من ينطح الخالق اذا خـط مرسـوم=ويبي يسلم ويقول من اول مراطيـب
واقفيـت مـن دنيـاك واقراربقفـوم=وكلن على كبـده سـواة اللواهيـب
واختامها صلو على خيـر معصـوم=صلوا معي ياهل القلوب المواجيـب
الشــــاعر::سعود بن محمد بن وحش الرويس
هذه القصيده تحكي عن نفسها !!!
ذكرتني ياسعد وقـتٍ مضـا ليـه=عمرٍ قضيته هنا من ماض الازماني
خدٍ مشيته على الموتـر ورجليـه=باول حياة الشقا يـوم الله اشقانـي
فأول حياة الشقا محـدٍ فطـن ليـه=يومٍ ابويـه تركنـي عنـد جدانـي
كم ليلـةٍ ياسعـد نفسـي خلاويـه=اما مع الذود والا نتبـع الضانـي
الشـــاعر::سعود بن رسام الرويـــــس
هذه القصيده يشكي الشاعر لصديقه دروب الهوى
ياراكب اللي حراج السـوق ماطبـه=وراعيـه ماوقفـه للبيـع محتاجـي
الزيت مـن مصنعـه اليـوم ماكبـه=ولاهز بديـه مـع البـران مطناجـي
جمس يشوش الدريـول يـوم يركبـه=لاضاق صدره عطابه كـل منهاجـي
في ورشة السمكري محـدن تطببـه=ولافيه شي من الصدمـات مطعاجـي
الورع مـاداج بـه فالسـوق يلعبـه=مهمتـه للسفـر فالسـوق ماداجـي
ياراعـي الجمـس عنـي لاتهـربـه=ابيك تقطع عليه خطـوط وافجاجـي
قم عاير الزيت والماء والكفـر عبـه=وشيك على الجمس لا يطلعبه انفاجي
ترى طريقك يبـي السـواق يصلـبه=يبيك تدعس على البنزين للصاجـي
امسك جوابي مـن مصـده وغربـه=ممشاك قدام نـور الصبـح ينباجـي
وملفاك فالطايـف الامثـال تضربـه=ماحط للباب دون الضيـف مزلاجـي
كريم سبـلا لاجـاه الضيـف رحبـه=الضيف لاجاه يلقـى فلـة حجاجـي
الطيـب كسـب لبومشعـل ويرغبـه=بالمرجله والكـرم والجـود هداجـي
سلم لـه الخـط والفنجـال ماصبـه=وقله ترى زيد يشكي مالـه علاجـي
ويشكي من اسباب غرو ياسعد حبـه=وباسباب حبه غرق من بين الامواجي
غرو دمر صحتي ماخاف مـن ربـه=وعند العرب ياسعد سبب لي احراجي
الفكر منـي ظريـف الطـول غيبـه=دخلت عشقه ولا حصلت مخراجـي
دافور عشقـه بقلـب المبتلـى شبـه=وراحت حياتي سهر وهموم وازعاجي
اهدى علي الغرام وصـرت معجبـه=وما والله اسمع بحبـه كـل هراجـي
ولو كان كلن هـرج فيـه وعذربـه=مانيب ناسيـه حبـه فالحشـا لاجـي
درب الهوى مـن تولـع فيـه شيبـه=وهذا حسب نظرتي للحـب وانتاجـي
الشـــاعر ...زيــد بـن نيـف الرويس
تزعل بلا سبـه ودوم اراضيـك=حتى ولـو سيفـك عليـه تسلـه
لقيـت منهـو بالمحبـه يساويـك=من تشوفه عيوني تـرى ماتملـه
حبك غرس يالقلب ذكرك وطاريك=وابطا بحبـك واستحـل بمحلـه
يومك علمت اني احبك واصافيك=قلت اتغلـى قلـت ربـي اذلـه
انا عزيز النفـس والله مرجيـك=لا تحسبن قلبـي سواتـك تعلـه
جعل التعاسه في الدروب تلاقيك=وقلبك تصيبه يالغضي كـم علـه
والا جنان فـي دماغـك تخليـك=تـدور علاجـك ولاحـد يدلـه
الشــاعر:: عيد بن محمد الرويس
هيه ياللي يوم فاضوا من العصر ركبوه=جيب شاص الفين فوق المواتر معتلـي
كن صوته يوم ركبو عـلاه وشغلـوه=صوت عودٍ قام ينخى بربعـي ياهلـي
نعنبو صنّاعته بالذكاء كيـف اصنعـوه=كيف قاموا بختراعه وهو مالـه حلـي
وكيف بفخم تقنيات الحضاره صمـووه=لين جاء في شكله الخارجي والداخلي
مابه احد لا بشرايتـه يـوم اشتـروه=وارد ذكره مـع الشافعـي والحنبلـي
مادخل للمملكـه كـود اللـي وكلـوه=ورده عبد اللطيـف الجميـل ابوعلـي
هيه ياللي من محطـة مصـده فللـوه=لو تركمتو عطونـي دقايـق ومهلـي
واخذو المرسول يم القصيم ووصلـوه=مابه احد غيركـم يالنشامـا يوصلـي
لاوصلتـو للمليـدا جوابـي سلمـوه=لأي واحد من حفـاةٍ وفاهـم جادلـي
من يجيهم ينبسط ثم ينسى امـه وابـوه=وكل همٍ في ضميره يـزول وينجلـي
مادروا باللي اليا جاهم الضيف اكرموه=بالدلال الصفر والعود الازرق والطلي
للنشامـا يالنشامـا سلامـي بلّـغـوه=عد ما على المطر جـو قـاعٍ ممتلـي
الشاعر::زيــــد بن نيف الرويس
ياعاذلين القلـب ماهـوب مرتـاح=لو كان كثرتـو عليـه المزوحـي
يكفي عيونٍ ياعـرب دمعهـا فـاح=ومحاجرٍ فيهـا دموعـي تفوحـي
حاولت انا فالقلـب يدلـه وينسـاح=وعيا يطيع القلـب رايٍ نصوحـي
علـى عشيـرٍ زوّد الهـم بجـراح=وروحي عقب فرقاه زادت جروحي
فرقاه خلت دمع الاوجـان سفـاح=اسهر عقب فرقاه وابكي وانوحـي
ابـو نهـود كنهـا طلـع تـفـاح=تفاح شام فـي غصونـه يلوحـي
والعين عين اللي للاجـوال ذبـاح=عين اشقر للخرب ذبحـه نطوحـي
وخده كما برق اسود الليـل لا لاح=والا كمـا بـدرٍ تكامـل بضوحـي
والعود غصن وسط بستـان فـلاح=تلعبه الارياح مـع كـل صوحـي
لوابا تمنـا ليتلـي ريـش وجنـاح=وابعد بحومي يـم خـلٍ نزوحـي
واخذ مع المجمول سجات وافـراح=وكلنٍ بسـره يـم الآخـر يبوحـي
واقضي معه ليلٍ تغاريـد ومـزاح=واخذ مرادي من عشيـرٍ سموحـي
وامشي مع المجمول مسرا ومسراح=في صحصحٍ قفرٍ من الناس موحي
وشفايفه بشرب عسلها اليـا انبـاح=ولاهوب في مز الشفايف شحوحي
واليا حصلّي ماطلبته مـن الصـاح=حلفت انا لتـوب توبـة نصوحـي
الشــاعر::زيـد بن نيـف الرويس
من شاف مثلي ومان الفين=عند العرب كثرت النمـه
ياناس وين المـوده ويـن=الرجل يرخص بني عمه
دنيا تخلي العرب قسميـن=من عقب ماهيـب ملتمـه
احـد توطـاه بالرجليـن=واحـد توديـه للقـمـه
رفيقنـا نجعلـه بالعين=ونشاركه في بعض همـه
من زارنا مرحبا واهليـن=ومن صد مانلتفـت يمـه
واحذر واحد من الاثنيـن=الزيـن والشيـن ماهمـه
نمام يلعب على الحبليـن=مستوزيه بليس في كمـه
الشـاعر:: سعود بن محمد بن وحش الرويس
لاوالله الا مابقـى شـي ينـقـال=كل شي تغير يازمـان العجايـب
كيف المره تمشي ببيجـر ونقـال=وقدم العرب تضهر حسين الذوايب
رجالها لو به من العقـل مثقـال=حشّم هله عـن نايـدات الهبايـب
مار البلا انه مابقى اليـوم عقـال=عقالنا حطـت علاهـم نصايـب
المرجله ماهـي ببسـام وعقـال=وعند المره يصبح ضعيف وذايب
بالله قلي هـو بقـا شـي ينقـال=آخر زمن ياحيف وقت العجايـب
الشـاعر:زايــد بن عايض بن عمر الرويس
لا والله الا راح تركـي وراكــان=ولاعاد باقي غيـر شـادي وفـادي
راحو هل الحكمه وهل العقل والشان=واللي تبقى بـس ضايـع وغـادي
اهل المعرفه والكرم واهل الاحسان=راحـو ولا شفنـا بعدهـم سـدادي
شبابنـا نصفـه علـى شـط لبنـان=والنصف الآخر ضايـع فالمعـادي
متفرقيـن فالمـنـازل والاوطــان=والكل يرجي ضحكةٍ مـن هنـادي
الشـاعر:زايد بن عايض بن عمر الرويس
يقطعك يارجلٍ قليـل الحصيلـه=فالمرجله ماله مع الناس مدخـال
نقصٍ على ربعه وكـل القبيلـه=من منطقه تدري بتفكيـره اهبـال
مامن وراه الا الردى والفشيلـه=والناس من فعله تعجب وتهتـال
ياعل جنسـه فـي بلدنـا قليلـه=رخيص سعره لو نبيعه بالاموال
لله درّك يالفـهـيـم الدلـيـلـه=اللي يثمن هرجتـه قبـل تنقـال
حرّ ولـد حـرّ حبالـه طويلـه=لامن تكلم كلمتـه مالهـا امثـال
هذاك هو رمز النقـا والفضيلـه=فالمرجله يجبعله خصال واخصال
بيت القصيد اللي بقوله حصيلـه=ليت الردي مايلبس شماغ وعقال
الشـاعر:زايد بن عايض الرويس
انـا ماذبحنـي غيـر حبـي لتركـيـه=خذت نصف عقلي واتلفت نصفه الباقـي
وقعت بهواهـا يـوم الاثنيـن عصريـه=ومن بعدهـا احترقـت بكفـي اوراقـي
لهـا ضحكـةٍ تسلـب قلـوب الهواويـه=ولها همسـةٍ يفتـن بهـا كـل عشاقـي
ولها عيـن تظلـم دون رحمـه وماويـه=ولها خـد نـوره يشابـه نـور براقـي
على كثـر حبـي تلحـق الكيـه بكيـه=عذاب سكـن بالقلـب ماهـوب ينطاقـي
تعبت بهواهـا روحـةٍٍ مـن بعـد جيـه=وهي مـادرت عنـي ولاتفهـم اشواقـي
اعانـي سمـوم القيـض وتلـد فالفيـه=اقول الوصل وتقول ماهو مـن اخلاقـي
تبي مني انساهـا وانـا اقـول معصيـه=حشا كيف ابي انسا حب في داخل اعماقي
اذا مـت منهـا لاحـد يطلـب الـديـه=عساها تحس بلوعتـي بـس ولاافراقـي
وانا اللـي ذبحنـي بـس حـب تركيـه=خذت نصف عقلي واتلفت نصـه الباقـي
الـشاعر:زايد بن عايض الرويس
كلن نشدني عـن تواصيـف خلـي=وش ميّزه بالحسن عن باقي النـاس
قلت العفـو هـذاك فـوق متعلـي=عن كل زينه مرهفة ذوق واحسـاس
شعر سـواده ليـل حـدر متدلـي=ورموش عيـن خـادرات ونعـاس
وان سلهمت بالعيـن تيـه وتغلـي=اشرب من الحسرات كاس ورا كاس
شفايفـه سكـر نـبـات محـلـي=على ثمان اللـول بـابٍ وحـراس
وتفاحتـيـن زودن نــار غـلـي=مزروعه في صدر اصفى من الماس
العقـل وافـي والجمـال متمـلـي=في وصفها يحتار ناشـد وعسـاس
هذا جوابي عـن تواصيـف خلـي=متميز حسنـه عـن باقـي النـاس
الشاعر:زايد بن عايض الرويس
علـى TWAمـع حـزة الاظــلام=مشت رحلـة يـم الديـار الامريكيـه
على متنها شالت كثيـر مـن الاقـوام=وطارت وحامت فوق الاجواء السعوديه
نصت ديرة يوجد بها الطور والاهـرام=محطـه ويقفاهـا مشـاويـر جـويـه
من القاهره تقلع لدار الخواجـه سـام=وتهبط على نيويـورك ماعقبهـا شيـه
وانا اللي دفعني لمسكة الطرس والاقلام=رفيقٍ مشا والقصـد رحلـه دراسيـه
رفيق معي ياقف لاجت الظروف جسام=اعده من اخواني واقولـه علـى نيـه
رفيق صديق صحبته اعتبرهـا وسـام=من اللي لهـم بالقلـب قـدر ومحليـه
من شيوخ قوم لاجـاء بالليالـي قتـام=لهم ماقف مشهور فـي ساحـة الهيـه
الاد النعيري فالمواقف سنـد وحـزام=مواقيفهـم للنـاس ماهيـب مخفـيـه
رفيقي ولد هيـال خالـد هـو المقـدام=عسـى الله يـرده سالـم للسعـوديـه
الشاعر:زايد بن عايض الرويس
الزين عانه مع الأشـوام=اهـل الحـدود الشماليـه
زيم مصفّى يابـن حـزام=ماهوب زيـن الخليجيـه
لاتـوح وتتابـع الافـلام=في وسط خفرة جهاديـه
ولاتقول يازين شكل احلام=صفرا ترى واصلها كيـه
عودٍ تربيت وسـط خيـام=عيد الفطر عقبه ضحيـه
وكّل على البل والاغنـام=واظهر جواز السعوديـه
كنك تبي تـروح للدمـام=واقلـع طيـران جويـه
في ذمتي ان رحت ماتنلام=تتلقـى طـراه وحياويـه
بتشوف زين بـدون لثـام=مـا للمكاييـج مـاريـه
وامل جوازك من الاختام=ختم الخـروج ودخوليـه
وانتبـه لا تجـي صـدام=تصبح ضحيـه عراقيـه
لازم توكد مـن الاعـلام=لبنـان وحـدود تركيـه
الشـاعر:مطلق بن مناحي الرويس
يالوضح ماحدك على حاجر الشيح=ومنابت الحرمـل شمـال المسمـا
وهاك الخشوم الي حصاها صلافيح=الا الزمان الي ماهوب اخو شمـا
البر ضـاق وضايقـوك المشافيـح=واحتدك الضامي على الي مضمـا
مير اطلبي منشي السحاب المراويح=يرزقـك رزاق المخاليـق لـمـا
بمزن يجي من يمة الغرب طفيـح=وليـا ومـره الله رعـد ودلهـمـا
نو عروض للرعـد فيـه تسبيـح=اليـا توهـل عاليـة نجـد سمـا
مدة كريم ساقهـا مرسـل الريـح=من حـد كشـب للوريعـه وحمـا
قدمـه ربابـه كالنعـام المشاويـح=ربـد تقـول اقطـاع بـدو تلمـا
فيه الرعد كنه مصلـي التراويـح=اليا قـرا صـورة تبـارك وعمـا
ياخذ شهر وثعـول وبلـه مدابيـح=نوب على الهادي ونـوب يتحمـا
يغنيك عن مرتع قراش الفـلا ليـح=الـي دبشهـم هامـل مـا يضمـا
واسلاك شايكة تجرحـك تجريـح=وارض بها اكيـاس النفايـه ترمـا
الشاعر:عبد الله بن عون الرويس
ياراكب اللي لامشى ياصـل الـدار=جمس عديم الوصف لونـه سمـاوي
تسعـه جديـد مجهزينـه للاسفـار=هو منوة اللي طول عمـره شقـاوي
مقطوع عن كل المشاكل والاخطـار=ماوقفـه راعيـه عنـد القـهـاوي
لولا الفرامل والنمر تمسكـه طـار=ودايم على قطع المسافـه رهـاوي
ماحافه شريطـي ولا حـد باسعـار=وراعيه ماباعـه ولا هـوب نـاوي
فوقه شجاع حافـظ كـل الاسـرار=يوصل المكتـوب ماهـوب غـاوي
ممشاه من عرعر قبل وقت الاسحار=والعصر في ديره هل العز ضـاوي
ملفاه شيـخ مـن وفييـن الاشبـار=عبد الله ابن عـون زبـن الجـلاوي
راع الكرم والطيب والجود والكـار=وريف الضعيف اليا بلتـه البـلاوي
يامعشي الضيفـان ومعـزز الجـار=وذبـاح حيـل مولـوه الـشـواوي
له مجلس مدهـال لصغـار وكبـار=ياسعد منهـو لبـو نايـف مخـاوي
شبل الاسود مطوعة كـل الاشبـار=حميـاة التالـي نهـار الـعـزاوي
يافزعة ( الروسان )اليا حلت الـدار=لجـا لـزوم دون ربعـه فــداوي
فك السجين اللي شرب كاس الامرار=مصبر علـى قيـد برجلـه يـلاوي
ماجاه علم ولا سمـع منكـم اخبـار=والموت عنـده والحيـاه متسـاوي
ينخاك يامشكاه فـي كـل ماصـار=تمشي بموضوعه وتنهـي الدعـاوي
صابر وكني يابونايـف علـى نـار=وجرحي بقلبـي مالقولـه مـداوي
تمت وصلى الله على سيد الابـرار=عـداد ماينطـق مـن القـول راوي
الشاعر:زيد بن نيف الرويس
يا كان من ليلة على أرضك تساويـت=عيـا وفاقـك لا يـلايـم وفـاقـي
لو كان فالضيفـان مـا قـد ترديـت=وجـوك متيـع و تعتنـي بالطراقـي
من يوم طبيتك و أنـا مـا أسفهليـت=لعـل مـا يبقـى لأهاليـك بـاقـي
حاولت أوسع خاطري فيك و أزريت=بيني و بين أطبـاع أهلـك انشقاقـي
واليوم غايـة رغبتـي لـو تمنيـت=فرقاك و أنته مـا تبـى إلا فراقـي
واللي على بعده مـن البعـد حنيـت=وينتابنـي عقـب الحنيـن اشتياقـي
نجد وهواه و شوف هاك السباريـت=اللي لها فـي وسـط قلبـي رواقـي
ومنادمـة روس الرجـال المناعيـت=كل أبلجـن لـه فالطويلـة مراقـي
ولحدٍ يواخذ ني ليـا قلـت هاويـت=وضح ٍ تفرق ما اجتمع مـن ضياقـي
وضح ٍ ليا مني مـن المـدن مليـت=معها انشراحت خاطـري وانطلاقـي
أمـا ليـا سنـدت و ألا ليـا نحيـت=مع درب براق ٍ سر الـه شعـا قـي
برق ٍ سرى يوضي كما يوضي الليت=بعروض نوى ٍ ساق مزنـه وساقـي
وتعرضه من رايـح الشـرق تثبيـت=يثني على الريض أرقـاب السباقـي
ليا شفت براقه على سيلـه أرهيـت=بيـض مراهيشـه مطرهـا حقاقـي
تذبح لهـا حـي ٍ و تحييلهـا ميـت=وتصبح به الوديـان مثـل السواقـي
وأما تحاسنـت العساسـه و عسيـت=ومشيت مـع سيلـه و نبتـه دقاقـي
وألا على دربه ليا أصبحـت شديـت=وخليتهـا تـاط الحثـم و الرقـاقـي
وضح ٍ ليا احتست و شافتني أنويـت=قامت تسـوق أنفوسهـا مـا تساقـي
تنجال مثل الصيد لا صحت وأوميـت=وألا ليـا طـق اللبـيـد العـراقـي
يجيـك ممشاهـا تبـارى تفاخـيـت=مافي بعضها عـن بعضهـا انفهاقـي
ولو حال من دون المعشى مراريـت=ترهـي عليـه معربـات العمـاقـي
من ساس وضح ٍ فالجز يره لها صيت=علـى مخاذعهـا تلـوح الحـلاقـي
وليا تثنـت فـي نبـات السواريـت=في خايـع ٍ لأرقـاب نبتـه زراقـي
غادي بوسطـه لأم سالـم زغاريـت=وفيه الزبيدي مثـل بيـض الطواقـي
ثـم جيـت فأولهـا وللنـار شبيـت=وقضب عراقيب الـدلا ل الشلاقـي
ما غبطك يا للي فالحضـاره تلويـت=يا موالف الجدران ويش أنت لا قـي
لو كان فالحصن الحصيـن استكنيـت=وتقول أنـا مرتـاح مانيـب شاقـي
كانك على هالأنطـواءى استمريـت=وسويـت مـع بـث القنـاة اتفاقـي
أما من السكـر شبعـت و ترويـت=وألا بصرك أوشك على الاحتراقـي
سج النفس واضرب دروب الخراريت=لو ما تذوق مـع الخـلا مـا يذاقـي
ما ينطوي في غرفة ٍ فأخـر البيـت=غيـر الـذي راسـه يبيلـه عراقـي
الشاعر:عبد الله بن عون الرويس
ياحشر عيشك بالصحاري وممشاك=يسوى حياة الـي حياتـه سماجـه
دارا لجدانـك ربـو فيـه وابـاك=عاشو على ماه الهماج وعجاجـه
اضرب خرايم نجد لاعمست ارياك=لـو ماتفيـد الا هـواه وزراجـه
وملفاك في بيت نشميـا وممسـاك=في بيت نشميـا يجيبـك سراجـه
اليا لفيته من اطيب الفرق عشـاك=واليا قابلته قام يضحـك احجاجـه
وحذراك تلفي على النذل حذراك=وحذرا تدور عند الانـذال حاجـه
اما ظهر من باب بيتـه وخـلاك=ولا ذبـح لـك ديـك ولادجاجـه
ولا قعد باقصى محلـه ولاجـاك=وانت قعدت تواجه الـي تواجـه
الشاعر:غازي بن عون الرويس
البارحه ليلي قضيته على الكـوع=لين اذن المـذن وقـوم صلاتـه
كني يتيم من عنا الوقـت مليـوع=واليه والي وجايـر فـي ولاتـه
يمسي على هم ويصبح على جوع=حافي قدم والثـوب بـالٍ بلاتـه
باسباب غرو لاعني بالهوى لوع=يحمل تواصيف الضبا في صفاته
شبيه خشف الريم زامي ومدلوع=حذر على نفسـه بكثـر التفاتـه
في وسط قلبي له بساتين وزروع=يبذر ويزرع ثم يحصـد غلاتـه
قاعدت اطالع ساعتي منه مفزوع=وراه يبطي جعل عمـري فداتـه
اناظـر الهاتـف اذا دق وافـوع=شفق على صوته وهمس كلماتـه
الوقت يسرقني وانا عنه مـردوع=والحظ عيـا لا يقـرب خطاتـه
حلفت يبقى الحب سامي ومربوع=حتى يفيق صويحبي مـن سباتـه
هذا قوانين الهوى شرع مشروع=كلن على حظـه يحقـق مناتـه
احدٍ على خله سقيـم وموجـوع=واحد مـع خلـه سعيـد بحياتـه
الشاعر:سعد بن مناحي الرويس
هذه قصيده قيلت في الشيخ(عبدالعزيز بن جامع—ابوخالد)شيخ الروسان
للشعـر عشاقـه وللشاعـر افكـار=وللفكـره المعنـى وزيـن التعابيـر
واليا بديت القـاف مانيـب محتـار=كن المعانـي قـدم عينـي طوابيـر
أختار منهـا مثـل مـا ودي اختـار=وتمطر مثل غيث السحاب المزابيـر
الى تغزلـت اهـدي ورود وازهـار=والى مدحت امدح رجـالٍ مناعيـر
والمدح ما هو سـرّ لا والله جهـار=يستاهله شيـخٍ كسـب كـل تقديـر
هذاك ابو خالد عسى عمـره اعمـار=دون القبيلـه وقفتـه دايمـاً غـيـر
لا قيل ابن جامع / سكت كل هـذّار=ريـف اليتامـى فالليـال المعاسيـر
زبن الدخيل ومكرم الضيف والجـار=ويشهد على ما اقول صفـرٍ مباهيـر
في قصره اللي واضحٍ مد الابصـار=متوسطٍ في نجد فـي منـزل الخيـر
هو ذخرنا لا صار فالوقت ما صـار=( لاد المروّح ) ما شكوا منه تقصير
في مجلسه تلقاهـم صغـار وكبـار=وزودٍ على الروسان تلقى الخطاطير
ما يبخل بجاهه ولا سـاق الاعـذار=وفي نظرته تلقـى لحاجتـك تبشيـر
هو شيخنا اللي ياقف الماقف الحـار=طبعٍ لجدانه وهـو واصـل السيـر
يوم انها غـارات ومواجـه اخطـار=ومواقعٍ يشبع بهـا الذيـب والطيـر
تلقى الجوامع من على قحص الامهار=خيّالهـم يفتّـك وان ثـارت يغـيـر
واليوم في وقت الرخا صاروا اسوار=درعٍ لنـا نلجـا لهـم دون تفكـيـر
هـذي تعابيـري وللشاعـر افكـار=ولا لي وراها غير صـدق التعابيـر
الشاعر:زايد بن عايض الرويس
لـوا هنـيـك سـالـي القـلـب ومـريـح=ولا وطـاك مــن الغرابـيـل واطــي
مالوعـنـك ســود بقـعـاء النواطـيـح=سـود الليالـي الغاتـمـات الغـواطـي
اللي اساهرهن على الكـوع واطيـح=كلـه منسهـم عـلـى القـلـب سـاطـي
واجض منهن جض خلج السراريح=وأون ونة من علـى الجمـر واطـي
وجدي علـى فكـس بعيـد المراويـح=مـن قـو مشيـه خلفـه العـج غـاطـي
تــوّه جـديـد مـاضــرا بالمـسـاريـح=توه من الميناء على الارض خاطي
يلفـي علـى ذيـك البيـوت النواطيـح=بيوت لهـا بالطيـب بحـر وشواطـئ
روسان من نسل الحرار الطحاطيح=ربـعـي هــل الفـزعـه بلـيـا تبـاطـي
ودي بشوفـتـهـم بـلـيـل وتـصـابـيـح=ومـن لامنـي يـاعـل يـاطـاه واطــي
سعد بن مناحي ابن عوجان الرويس
ياليلـةٍ قضيتهـا عنـد محـمـاس=ماهيب عندي من حسـاب الليالـي
قضيتها في مجلسٍ يرفـع الـراس=منصاً يرودونه شخـوص الرجالـي
على مباهيرٍ علـى النـار جـلاس=صفـرٍ تعاقبهـا يديـن العيـالـي
يعبا لها مـارود صنعـا بالاكيـاس=ويشرا لها الهندي ولو كان غالـي
فنجالها يطرد عن البـال هوجـاس=لاقـام يـذرف مثـل دم الغزالـي
قد وصفه قبلي كثيـرٍ مـن النـاس=منهم ولد حامـي عقـاب التوالـي
اللي بوصفه لاحسن الوصف لماس=غازي فـدوه قصيريـن الحبالـي
ليلة عمر ماهيب تنقـاس بقيـاس=ولاتنتقـدر بالـذهـب والريـالـي
للشعـر طلابـه وللبـن حـمـاس=والعود الازرق لـه علينـا ظلالـي
بحضرة بني غازي وساير وغملاس=وابوفهـد شامـان نعـم المجالـي
وابن بجد وحسين عدمين الاجناس=ربـعٍ منازلهـم بـروس العوالـي
ومحمد بن دحيم مانيب الـه نـاس=طيب واعـده واحـدٍ مـن خوالـي
واللي جمعنا جاره الله مـن البـاس=فـي ليلـةٍ غـرا قمرهـا يلالـي
اتلا الليال اللي طوى دونها اليـاس=الـذ واغـلا مـايـدور بخيـالـي
يالله عسى محماس وامثال محماس=في لوح ربي من طـوال المهالـي
عبد الله بن نايف الرويس -ابن عون-
ياراكب اللي تو جابـوه مـن بـون=احدث انتـاج التقنيـه فـل كامـل
علـى نظـام مايضاهـا وقـانـون=جا عن طريق اللمس معه التعامـل
نظـام مطـور ومتقـن ومـأمـون=مبرمج على بصمات روس الانامـل
على الهوى والهيدروليك والدركسون=والبستـم اللـي يرفعـه والفرامـل
من الداخل مفخم مراتـب وطبلـون=مرابتـه والسقـف جلـد ومخامـل
اليا اشتغل بالهون يـادوب يوحـون=طلاسم مخفاه فـي صـدر رامـل
كـن البساتـم والبلـوف يتخالـون=متفاهميـن فالعـمـل والمعـامـل
الحجم ست اميـه كفـارات بالـون=ورقمه مميز مثـل وسـم الهوامـل
كنه قطاه شافـت الحـوم واللـون=لون المهاه اللـي ربـت فالمهامـل
من مصنعه عشر سنوات مضمـون=ضمان عن كـل العذاريـب شامـل
يروّح من الطايف بعـد مايصلـون=كنّه نـداوي علـى الطلـع صامـل
وليا تعدى ظلم يمشي علـى الهـون=بدارٍ لرايـة حبهـا القلـب حامـل
ياحبتـي لاجيتـهـا لا تعجـلـون=حتى صورها فـي خيالـي تكامـل
محبوبـةٍ شـارك غلاهـا الـنـون=بيـن الحنايـا عامـل لهـا عامـل
عـذرا منّـول وجههـا مـزيـون=واليـوم مخلفـتٍ بهـا العـوامـل
لا شفتهـا بيّحـت ماكـان مكنـون=وتنجـب عيـونٍ بالعبايـر حوامـل
تنشي مناشيها مـن الدمـع بمـزون=وقامت مثل ديـم السحايـب تهامـل
من وضعها كنّي على اللجف مطعون=والحال ساملها مـن البيـن سامـل
ماكن حل بربعها اسلاف وضعـون=وعوارف ترفـي فتـوق الخوامـل
صيـدٍ دهـاتٍ فالملمـات ينصـون=كعّامـة العايـل جمـال المحامـل
هم و الوفاء في كل ظرف يتخاوون=مخاوي الكبير سعود هـوّ وزامـل
رجالهم يبـرز الطوابيـر فالكـون=ولابن مهيد ولا خو همـلا مزامـل
الجـود ماخـلا بفعلـه منـه لـون=لشمايل الجـود وللامجـاد جامـل
اهل بيوتن تكهن الضيف وصحـون=بكنافهـا عاشـوا يتامـى وارامـل
والنخوه الها عندهـم يـوم ينخـون=تنغمـش فالـروس والهـا تنـامـل
وهيباتهم دون الوطن سور وحصون=ماهيـب غفـل للطماميـع هـامـل
عـن حدهـا للـي يبيهـا يحـدون=ويخيبـون آمـال ضـد بهـا آمـل
اقصد ذخر مارق وسطام بن عـون=جمال تشيل حمول بـاق الزوامـل
لا عـدوا اعـلام القبايـل يعـدون=قول يصان اعن الخنـا والمجامـل
وصلوا على الهادي عـدد مايلبـون=وعداد مايهمل مـن الوبـل هامـل
غازي بن دخيل الله الرويس -ابن عون-
عسى المطر يزي الهضاب المشاريف=يزي الهضاب اللي (مصده) وراهـا
يزي وطن ربعـن يهلـون بالضيـف=عيد الركاب اللـي تواشـل حفاهـا
طرقيهم ياخذ لـه نهاريـن ماشيـف=اربـع ليـال وحاجتـه ماقضـاهـا
من كثر مايدعى على غالـي الكيـف=علـى دلالـن غـالـي مشتـراهـا
لا عل مافيهـم مصاخيـن وضعيـف=والله يبـدل عسرهـم فـي رخاهـا
وانا على ربعـي كثيـر التحاسيـف=قفتبـي الدنيـا وشالـت عصـاهـا
(؟؟؟؟؟؟)
يارجم يوم معذب القلب عـداك=ابدا خفاهـولادرى عن خفاكـا
من زود همه كل عصر يتعلاك=ولمـر يـوم واحـدٍ معتلاكـا
ان كان شيء تسمعه منه مبكاك=حملك ثقيل وعلمه وش بلاكـا
عطه العلوم وعلمه ويش دعواك=ولاتحمل فـي حياتـك خطاكـا
بنصحك يارجم يوم اني ارقـاك=نصيحتن علمبهـا مـن رقاكـا
رفيقك اللي لابدا لازمه جـاك=لابدالـه لازمـن فيـك جاكـا
ولاهوب حبٍ فيك يوم يتنصاك=لايـدور حاجـهً مـن وراكـا
وان حصل المطلوب قفا وخلاك=تقـول ماكنـه بيـومٍ نصاكـا
خله لعله يافتى الجـود يفـداك=عسى الرخوم اللي سواته فداكا
(اتوقع انها ناقص فيها كم بيت)
سالم الحميدي الرويس--المريبض--
دنيـاً إذا فكـرت فيهـا ولاشــي=خداعـةٍ مكـارةٍ مــا تـدومـي
مادامت لصـدام وعـدي وقصـي=ما كنهم ساروا بها نصـف يومـي
ورابعهم الصحاف عانوه في دبـي=منقـح ألكذبـه كبيـر العلـومـي
حكومة راحت كما الحلم في شـوي=وكتوف أهلها غاطيتهـا ألنجومـي
بعّربهـا عـزة وياسيـن وعــدي=راحت مراح ادهام مثل الحلومـي
قالوا لها عدوانها فـي ضحـى دي=واستبدلـوا شجعانهـا بالرخومـي
الذيب في كهفه سكن فرخ حصنـي=وفي ماكر الحر ارتكز فرخ بومـي
والقائـد المهيـب عـاش متخفـي=عقب الطغا والعز صارا محرومـي
كـل يقـول الله كريـم ومـقـدي=هذا جزاء من لا يعرف السلومـي
عقب الشبح يمشي كما الكلب رجلي=غير السلامـة لوتجـي مايرومـي
وعزي لمن مثلـه يعيـش متخبـي=لامـن يجيـب ولا يـرد العلومـي
عبره لمن نهجه مع النـاس سلبـي=ومن الخطأ ما فيه شخصا معصومي
محمد بن سعود الرويس -ابن هلال-
يامل عين ٍ في محاجرهـا مثـل شـوك الحمـاط=وإليـا طرالـي ماضـي ٍ قفّـى تفيـض دموعهـا
من كثر ماتجهش بماهـا محفـي الخـد الحشـاط=إلهـا ثـلاث وسبـع وأربـع ماوقـف ينبوعـهـا
تبكـي علـى ايّـام السعـاده والهنـا والانبسـاط=اللي تكـدّر خاطـري عقـب ارتحـال نجوعهـا
ولا آضنّ ترجع لو يلج عليـان فـي سـمّ الخيـاط=ولاّ شفايـا الآدمــي تـقـدر تقـبّـل كوعـهـا
ويـوم أذكـر ايّـام السعـاده والفتـوّه والنشـاط=المملكه تضيـق بـي لـو هـي وسـاع ربوعهـا
وإليا ضرب له شوط هاجوس الضماير واستشـاط=شامت عيوني عن لذيـذ النـوم عقـب هجوعهـا
وشبّيت نار ٍ فوقها خمس ٍ مثـل وصـف القطـاط=صفر ٍ كراسيهـا عـراض مْضمّـرات فروعهـا
يشرا لهـن بـنّ اليمـن والهيـل ماغيـره خـلاط=غريب نـوع الكيـف وادلالـه غريـب ٍ نوعهـا
فنجالها لاصـبّ لـي لونـه مثـل لـون المشـاط=وإليـا تناولتـه هواجيـسـي تـفـلّ جموعـهـا
الله مـن وقـت ٍ تقشّـط فيـه الاعمـار انقشـاط=تطوى العمـار دهورهـا وشهورهـا واسبوعهـا
نمشي على درب السلف ممشى البشر فوق الصراط=بدنيـاً كمـا عـذراً تزيّـن خـدّهـا بأردوعـهـا
فرعا القوام اللي حمـار اوجانهـا مثـل الطمـاط=وتلبـس لعاشقهـا الحلـي وتْكـدّ لـه منسوعهـا
ومن لاتحذر مـن مقالبهـا وأخـذ منهـا احتيـاط=قـدّام لاتسقيـه مـن كـاس الكـدر قرطوعـهـا
تفتق على المغرور عقـب الستـر فتـق ٍ مايخـاط=ولا تخدع إلاّ الجاهـل اللـي مايعـرف طبوعهـا
الغافـل اللـي مايفكّـر بالـحـروف وبالنـقـاط=تبصـر عيونـه والاذانـي يسمـعـنّ سموعـهـا
لكنّهـا رابطتـن الغفلـه عـلـى قلـبـه ربــاط=وبصيرتـه تبـع الهـوا مطفـن شعـاع شموعهـا
نفسه تقوده مع طريـق اهـل الـردا والانحطـاط=ومطيعهـا فـي غيّهـا وذلالـهـا وغضوعـهـا
ولا ينتبـه لأخداعهـا إلاّ لاضربـتـه بالسـيـاط=وعقب الحدث وش ينفعـه لـو ينتبـه مخدوعهـا
وإليا التقط تلك الملك من جسمـه الـروح التقـاط=يندم علـى مـا فـات عنـد اخراجهـا ونزوعهـا
ومن انتبه منذ الصغـر لأحـداث بقعـا واستحـاط=وقـرا مـن الكتـب المفيـده واستمـع مذيوعهـا
يلقى صنيعه لاوصل حـدّ العـرق فـوق الابـاط=وبيض الصحايـف فتّحـوا لأصحابهـا مشموعهـا
كمّ من جموع ٍ جالهـا صولـه وجولـه واختـلاط=وعقب اجتماع الشمـل بقعـى فرّقـت مجموعهـا
غازي بن دخيل الله الرويس --ابن عون--
القصيده الحائزه على المركز الاول في مسابقة (اجمل قصيده في الطير)والمسابقه
للشيخ زايد رحمه الله عام 2004 م ولازالت قصيدة العتيبي حاملة اللقب...
اليكم القصيده
ياطير باقي لـك ليال(ن)قلايـل=ويتم موسك ياابيض الريش كلـه
حتى النجير اللي له العام شايـل=يكسيـك مثلـه صافيـه لمعتلـه
لايجزعك سجن(ن)به الظل مايل=راح الكثيربسجنك اللـي تملـه
غيرك سجين(ن)من ردي العمايل=ونته سجين(ن)سجنتـه حشمتلـه
مثلك قليـل ونادر(ن)فالفصايـل=وفالندر اخوانك من النـوع قلـه
من ماكر السيبيـر عسرالمنايـل=ماكـل طاروح(ن)يجيـه ويدلـه
ياطيرلك وصف(ن)غريب وفعايل=تاخذ كمال الوصف دقـه وجلـه
بالمعلف الراهي وبالطول طايـل=طول(ن)على الشبر الطبيعي يزله
افهق مناكب مهدف(ن)قدم مايـل=صاحي جسد والعظم مافيه خلـه
اقحف وسيع الموق والبوز هايل=بوز العقاب وشدق مسموم صله
ست المواسي بارزات(ن)نحايـل=امن العرا فالريـش ماخالطلـه
في مقدمك منشا صدوق المخايل=امزون صيف(ن)بالبرد مستهلـه
وبالفعل وافي ياوفي الخصايـل=ياما بطشت كفك بروس الأهلـه
لانازل الحفـال وقـت النزايـل=اللي يبا النومـاس قـدام خلـه
اعذر بخله يوم شاف الصمايـل=اليا حصلـه قدمهـا ماحصلـه
اصبر وتال الصبر دايم جمايـل=لابد لك من كـف راعيـك تلـه
هذاك ابو فيصل عريب السلايل=موف(ن)حقوقك والوفا خصلتلـه
بينـك وبينـه للمـوده دلايــل=منها اهتمامه فيك سيـد الأدلـه
ملفي بن محمد الرويس-ابن عون-
هذا مجاراة الشاعر الشاب سلطان الرويس لقصيدة عبد الله ابن عون
(يامل قلب يسج وفيه دولاجه )سبق وانطرحت قصيده ابن عون
اليكم قصيدة المريبض
سر يا قلم وانقش حروفن بلا عواجه=للمزنه اللي حواس الخمس تدمجهـا
من بد حورن عليها الناس هراجـه=لاغاب عنها القمر يكفي مسارجهـا
اليا ذكرته يزود السـادس الواجـه=في ليلة ما بعـد نامـوا حوايجهـا
سلم عليـا بصوتـه بحـة الناجـه=تفتح لمن سد في وجـه وتفرجهـا
لو استغاث المطر ليجيـك فجاجـه=يكف شمل الديـار اللـي تولجهـا
في نون عينه تباشير المطر راجـه=رجـة بهـا القـاع خيـر نتايجهـا
للفم شف عليه النـاس فـي حاجـه=كن العسل ينظرونه من مخارجهـا
وارسلت مرسول في حبنـا داجـه=عود بخيبه علـى وجـه تحججهـا
قـام يتولـج قلبـي علـى صاجـه=خطـر وصولـه سريـع تخفجهـا
مـن دون علمـي بابـن بمزلاجـه=تسريبـي اعـوام قفـل مزالجهـا
ما يسرج الخيل يـا كـود سراجـه=له خبرتـن بالخيـول ومسارجهـا
والحين شف لحدا القسمين مخراجه=اما تصـون العهـد والا تدرجهـا
سلطان بن فضاء بن متعب الرويس -المريبض-
أهـلا وسهـلا ومرحبتيـن ياخلـي=ترحيب من قلب صافي والله أدرابـه
ترحيب أحلا من ا لشاهي أليا حلـي=لاصرت أنا اللي أذوقه وأنت صبابه
ياللـي أليـا غبـت ألاك ترسـلـي=وأنا غيابك لزوم أدري وش أسبابـه
مادام كـل المعانـي فيـك جازلـي=درب الهوى دون غيركم قافل بابـه
ماينفتح غير ألـك يصافـي الدلـي=ومن دون غيركم قافل هجسه وهندابه
هـذاه مفتاحـه وهـذاه أنـا كلـي=بيديك صكه وفتحـه وأنـت بوابـه
الحميدي بن زايد الرويس --المريبض--
السلام عليكم ورحمة الله وبركاته ...
اليكم قصائد شعراء الروسان...كلنا لانحصي شعراء القبيله اجمع ...
حبيت انزل هذا الموضوع .. لمشاركة الجميع فيه ...واذا احب أحد منا ان يشارك عليه التالي:
1- ان ينقل القصيده كامله دون نقص(والكمال لله سبحانه).
2- كتابة اسم الشاعر تحت القصيده .
3- تنسيق القصيده قدر المستطاع.
4- يذكر ان هناك نقص في الابيات ان وجد
اليكم القصائد...
هذه القصيده قالها شاعرنا في شيخ عتابه(بن حميد)عندما اعلن بمزاين عتيبه
سلام يابـن حميـد قايـد عتابـه=برقا وروق مرجحيـن الموازيـن
كم واحدٍ رمحك وسيفـك سطابـه=الشيـخ يفعـل والقبيلـه سطييـن
فقار نجـد يصيـح ممـا لجابـه=حذف الجثث والخيل يسرا وميامين
من فعل ابن هندي كعام الحرابـه=ينخى هل الهيلا دهـات المياديـن
صحيح ماتنفس ونشكي الإصابـه=لكن عزمنـا ليـن شلنـا الثقيليـن
حنـا تهقوينـا وطحنـا بغـابـه=لكن قسمنا غابـة الذيـب قسميـن
نسمع زفير النمر وعـوا الذيابـه=تقول في حشاها تخـج السكاكيـن
لكـن هيبتنـا تـروع العصـابـه=فرساننا من كـل فخـذٍ شجيعيـن
والبيت رفعه وسّطه والـذرا بـه=والكيف سوي ويق فنجاله الصيـن
في نجد رسينـا ودجنـا شعابـه=والشيخ يثنـي للرجـال المسميـن
نجد المسمى مشوهقـاتٍ هضابـه=حمر دغاسيات من تربـة الطيـن
وشوف العبل اليا تطـارد سرابـه=يدمي القلوب اللي علينـا غليليـن
وادي الرشا لاسال سيله نحا بـه=وهو متمثني نجـد يدحـم بمتنيـن
يروي العدود الموغره في شرابـه=يقطع ظما اللي بعيديـن وقريبيـن
وقال الرويس وجاك يلقي خطابـه=يصهل بفعل الشيخ ذخر السلاطين
ياحي علماً جابـه الشيـخ جابـه=والبل لهـا هيبـه وحنـا مطنيـن
حنا معك في الليـن والا صعابـه=تآمـر علينـا وكلانـا مستعديـن
الــــشاعر::مطلق بن مناحي بن عوجان الرويس
وهذه القصيده قالها الشاعر في شيخ قبيلته (ابن جامع)
على العز ياقصرٍ زما مثل ضلـع آبـان=يهيض النجوم المرقبه في دجـا الليلـي
بناه المسمى الشيخ في مخطط الروسـان=بمثنـاة نجـد بعبلـةٍ قصـره مهيـلـي
هذا الشيخ (ابن جامع)وشيخ من العتبـان=لـه هيبتـه والشيـخ يوفـي المكاييلـي
ابو خالد اللي شيختـه تبهـت الميـزان=يحـل الحبـال اليـا لوتهـا المحابيلـي
واليا سيق طيب العود يشفى به المرضان=يجي فالشنـط ماجـا وقيـه ولا كيلـي
ولا نيب انا اللي بمدحه تشهد له العربان=دلاله صفر رسـلان وبهارهـن هيلـي
وباب الكرم هـداج تيمـا زبـن عمـان=يشوف الحشو تنحـر ولا لـد فالحيلـي
وابا المعذره ياشيخ وان زل (ابن عوجان)=وانا بختصرها عن هل القـال والقيلـي
مـطـلـق بن مـنـاحـي بن عوجـان الرويس
هذه القصيده قيلت في (فياحي نجد)
عسى الوسم يامناحي يساقي فياحي نجـد=لا صلو صلاة الظهر مـع ميلـة الفيـه
يساقي دماث الارض ليـن بثراهـا تنـد=ووادي الرشا يضك مـن فـوق كبريـه
يسوقه ولي الكون جزلٍ اليـا مـن مـد=ويحيي نباته ىوأرضـه اللـي ضماويـه
هو الخالق القادر إليا قـال كـن مـا رد=بسط سبع أراضي وسبع الأسماء السماويه
وقلوبٍ تشيل من الحسد من بشر ماتعـد=وكلٍ يبا يحاسـب علـى حسنـه وسيّـه
واليا حط وسـط اللحـد واللحـد بيسـد=يبـا يشـوف ماسـوى بعينيـه مرئـيـه
وانا اشوف لي ناس سواء وشربها من عد=احد منصحٍ واحـدٍ يبـي هدمـة الطيـه
وترى الآدمي مسكين مقرود مثل القـرد=يسوقـه طمـع دنيـاه ويغـيـر النـيـه
وانا رجل ماأجامل ولا اقول كود الجـد=اليا صرت عاقل ليه انـا اجـادل العيـه
ولا شفت ناسٍ طبعها شين قلـت البعـد=اليا شفت دابٍ صـل تلقـى معـه حيـه
وانا يوم اجنب يا مناحـي وقالـوا صـد=اشوف الأخو يابـوك ماياصـل أوخيـه
مــطلق بن مناحي بن عوجان الرويس
هذه القصيده الثالثه او الرابعه في رثاء ابنه (ســـعد)ولاتحضرني القصايد الاخرى
ياقلب لا تحزن على شـي مقسـوم=دبرت إلـه رتـب الكـون ترتيـب
دنيا توريـك السعـاده طـرف يـوم=والبوم الاخـر تنخشـك بالمخاليـب
وخلك على صكات الايـام صمهـوم=ويعوظك اللي عالم وش ورى الغيب
رضيت بالجاري وابي اقول مرحوم=ومن لا صبر يصبر اجباري بلا طيب
من ينطح الخالق اذا خـط مرسـوم=ويبي يسلم ويقول من اول مراطيـب
واقفيـت مـن دنيـاك واقراربقفـوم=وكلن على كبـده سـواة اللواهيـب
واختامها صلو على خيـر معصـوم=صلوا معي ياهل القلوب المواجيـب
الشــــاعر::سعود بن محمد بن وحش الرويس
هذه القصيده تحكي عن نفسها !!!
ذكرتني ياسعد وقـتٍ مضـا ليـه=عمرٍ قضيته هنا من ماض الازماني
خدٍ مشيته على الموتـر ورجليـه=باول حياة الشقا يـوم الله اشقانـي
فأول حياة الشقا محـدٍ فطـن ليـه=يومٍ ابويـه تركنـي عنـد جدانـي
كم ليلـةٍ ياسعـد نفسـي خلاويـه=اما مع الذود والا نتبـع الضانـي
الشـــاعر::سعود بن رسام الرويـــــس
هذه القصيده يشكي الشاعر لصديقه دروب الهوى
ياراكب اللي حراج السـوق ماطبـه=وراعيـه ماوقفـه للبيـع محتاجـي
الزيت مـن مصنعـه اليـوم ماكبـه=ولاهز بديـه مـع البـران مطناجـي
جمس يشوش الدريـول يـوم يركبـه=لاضاق صدره عطابه كـل منهاجـي
في ورشة السمكري محـدن تطببـه=ولافيه شي من الصدمـات مطعاجـي
الورع مـاداج بـه فالسـوق يلعبـه=مهمتـه للسفـر فالسـوق ماداجـي
ياراعـي الجمـس عنـي لاتهـربـه=ابيك تقطع عليه خطـوط وافجاجـي
قم عاير الزيت والماء والكفـر عبـه=وشيك على الجمس لا يطلعبه انفاجي
ترى طريقك يبـي السـواق يصلـبه=يبيك تدعس على البنزين للصاجـي
امسك جوابي مـن مصـده وغربـه=ممشاك قدام نـور الصبـح ينباجـي
وملفاك فالطايـف الامثـال تضربـه=ماحط للباب دون الضيـف مزلاجـي
كريم سبـلا لاجـاه الضيـف رحبـه=الضيف لاجاه يلقـى فلـة حجاجـي
الطيـب كسـب لبومشعـل ويرغبـه=بالمرجله والكـرم والجـود هداجـي
سلم لـه الخـط والفنجـال ماصبـه=وقله ترى زيد يشكي مالـه علاجـي
ويشكي من اسباب غرو ياسعد حبـه=وباسباب حبه غرق من بين الامواجي
غرو دمر صحتي ماخاف مـن ربـه=وعند العرب ياسعد سبب لي احراجي
الفكر منـي ظريـف الطـول غيبـه=دخلت عشقه ولا حصلت مخراجـي
دافور عشقـه بقلـب المبتلـى شبـه=وراحت حياتي سهر وهموم وازعاجي
اهدى علي الغرام وصـرت معجبـه=وما والله اسمع بحبـه كـل هراجـي
ولو كان كلن هـرج فيـه وعذربـه=مانيب ناسيـه حبـه فالحشـا لاجـي
درب الهوى مـن تولـع فيـه شيبـه=وهذا حسب نظرتي للحـب وانتاجـي
الشـــاعر ...زيــد بـن نيـف الرويس
تزعل بلا سبـه ودوم اراضيـك=حتى ولـو سيفـك عليـه تسلـه
لقيـت منهـو بالمحبـه يساويـك=من تشوفه عيوني تـرى ماتملـه
حبك غرس يالقلب ذكرك وطاريك=وابطا بحبـك واستحـل بمحلـه
يومك علمت اني احبك واصافيك=قلت اتغلـى قلـت ربـي اذلـه
انا عزيز النفـس والله مرجيـك=لا تحسبن قلبـي سواتـك تعلـه
جعل التعاسه في الدروب تلاقيك=وقلبك تصيبه يالغضي كـم علـه
والا جنان فـي دماغـك تخليـك=تـدور علاجـك ولاحـد يدلـه
الشــاعر:: عيد بن محمد الرويس
هيه ياللي يوم فاضوا من العصر ركبوه=جيب شاص الفين فوق المواتر معتلـي
كن صوته يوم ركبو عـلاه وشغلـوه=صوت عودٍ قام ينخى بربعـي ياهلـي
نعنبو صنّاعته بالذكاء كيـف اصنعـوه=كيف قاموا بختراعه وهو مالـه حلـي
وكيف بفخم تقنيات الحضاره صمـووه=لين جاء في شكله الخارجي والداخلي
مابه احد لا بشرايتـه يـوم اشتـروه=وارد ذكره مـع الشافعـي والحنبلـي
مادخل للمملكـه كـود اللـي وكلـوه=ورده عبد اللطيـف الجميـل ابوعلـي
هيه ياللي من محطـة مصـده فللـوه=لو تركمتو عطونـي دقايـق ومهلـي
واخذو المرسول يم القصيم ووصلـوه=مابه احد غيركـم يالنشامـا يوصلـي
لاوصلتـو للمليـدا جوابـي سلمـوه=لأي واحد من حفـاةٍ وفاهـم جادلـي
من يجيهم ينبسط ثم ينسى امـه وابـوه=وكل همٍ في ضميره يـزول وينجلـي
مادروا باللي اليا جاهم الضيف اكرموه=بالدلال الصفر والعود الازرق والطلي
للنشامـا يالنشامـا سلامـي بلّـغـوه=عد ما على المطر جـو قـاعٍ ممتلـي
الشاعر::زيــــد بن نيف الرويس
ياعاذلين القلـب ماهـوب مرتـاح=لو كان كثرتـو عليـه المزوحـي
يكفي عيونٍ ياعـرب دمعهـا فـاح=ومحاجرٍ فيهـا دموعـي تفوحـي
حاولت انا فالقلـب يدلـه وينسـاح=وعيا يطيع القلـب رايٍ نصوحـي
علـى عشيـرٍ زوّد الهـم بجـراح=وروحي عقب فرقاه زادت جروحي
فرقاه خلت دمع الاوجـان سفـاح=اسهر عقب فرقاه وابكي وانوحـي
ابـو نهـود كنهـا طلـع تـفـاح=تفاح شام فـي غصونـه يلوحـي
والعين عين اللي للاجـوال ذبـاح=عين اشقر للخرب ذبحـه نطوحـي
وخده كما برق اسود الليـل لا لاح=والا كمـا بـدرٍ تكامـل بضوحـي
والعود غصن وسط بستـان فـلاح=تلعبه الارياح مـع كـل صوحـي
لوابا تمنـا ليتلـي ريـش وجنـاح=وابعد بحومي يـم خـلٍ نزوحـي
واخذ مع المجمول سجات وافـراح=وكلنٍ بسـره يـم الآخـر يبوحـي
واقضي معه ليلٍ تغاريـد ومـزاح=واخذ مرادي من عشيـرٍ سموحـي
وامشي مع المجمول مسرا ومسراح=في صحصحٍ قفرٍ من الناس موحي
وشفايفه بشرب عسلها اليـا انبـاح=ولاهوب في مز الشفايف شحوحي
واليا حصلّي ماطلبته مـن الصـاح=حلفت انا لتـوب توبـة نصوحـي
الشــاعر::زيـد بن نيـف الرويس
من شاف مثلي ومان الفين=عند العرب كثرت النمـه
ياناس وين المـوده ويـن=الرجل يرخص بني عمه
دنيا تخلي العرب قسميـن=من عقب ماهيـب ملتمـه
احـد توطـاه بالرجليـن=واحـد توديـه للقـمـه
رفيقنـا نجعلـه بالعين=ونشاركه في بعض همـه
من زارنا مرحبا واهليـن=ومن صد مانلتفـت يمـه
واحذر واحد من الاثنيـن=الزيـن والشيـن ماهمـه
نمام يلعب على الحبليـن=مستوزيه بليس في كمـه
الشـاعر:: سعود بن محمد بن وحش الرويس
لاوالله الا مابقـى شـي ينـقـال=كل شي تغير يازمـان العجايـب
كيف المره تمشي ببيجـر ونقـال=وقدم العرب تضهر حسين الذوايب
رجالها لو به من العقـل مثقـال=حشّم هله عـن نايـدات الهبايـب
مار البلا انه مابقى اليـوم عقـال=عقالنا حطـت علاهـم نصايـب
المرجله ماهـي ببسـام وعقـال=وعند المره يصبح ضعيف وذايب
بالله قلي هـو بقـا شـي ينقـال=آخر زمن ياحيف وقت العجايـب
الشـاعر:زايــد بن عايض بن عمر الرويس
لا والله الا راح تركـي وراكــان=ولاعاد باقي غيـر شـادي وفـادي
راحو هل الحكمه وهل العقل والشان=واللي تبقى بـس ضايـع وغـادي
اهل المعرفه والكرم واهل الاحسان=راحـو ولا شفنـا بعدهـم سـدادي
شبابنـا نصفـه علـى شـط لبنـان=والنصف الآخر ضايـع فالمعـادي
متفرقيـن فالمـنـازل والاوطــان=والكل يرجي ضحكةٍ مـن هنـادي
الشـاعر:زايد بن عايض بن عمر الرويس
يقطعك يارجلٍ قليـل الحصيلـه=فالمرجله ماله مع الناس مدخـال
نقصٍ على ربعه وكـل القبيلـه=من منطقه تدري بتفكيـره اهبـال
مامن وراه الا الردى والفشيلـه=والناس من فعله تعجب وتهتـال
ياعل جنسـه فـي بلدنـا قليلـه=رخيص سعره لو نبيعه بالاموال
لله درّك يالفـهـيـم الدلـيـلـه=اللي يثمن هرجتـه قبـل تنقـال
حرّ ولـد حـرّ حبالـه طويلـه=لامن تكلم كلمتـه مالهـا امثـال
هذاك هو رمز النقـا والفضيلـه=فالمرجله يجبعله خصال واخصال
بيت القصيد اللي بقوله حصيلـه=ليت الردي مايلبس شماغ وعقال
الشـاعر:زايد بن عايض الرويس
انـا ماذبحنـي غيـر حبـي لتركـيـه=خذت نصف عقلي واتلفت نصفه الباقـي
وقعت بهواهـا يـوم الاثنيـن عصريـه=ومن بعدهـا احترقـت بكفـي اوراقـي
لهـا ضحكـةٍ تسلـب قلـوب الهواويـه=ولها همسـةٍ يفتـن بهـا كـل عشاقـي
ولها عيـن تظلـم دون رحمـه وماويـه=ولها خـد نـوره يشابـه نـور براقـي
على كثـر حبـي تلحـق الكيـه بكيـه=عذاب سكـن بالقلـب ماهـوب ينطاقـي
تعبت بهواهـا روحـةٍٍ مـن بعـد جيـه=وهي مـادرت عنـي ولاتفهـم اشواقـي
اعانـي سمـوم القيـض وتلـد فالفيـه=اقول الوصل وتقول ماهو مـن اخلاقـي
تبي مني انساهـا وانـا اقـول معصيـه=حشا كيف ابي انسا حب في داخل اعماقي
اذا مـت منهـا لاحـد يطلـب الـديـه=عساها تحس بلوعتـي بـس ولاافراقـي
وانا اللـي ذبحنـي بـس حـب تركيـه=خذت نصف عقلي واتلفت نصـه الباقـي
الـشاعر:زايد بن عايض الرويس
كلن نشدني عـن تواصيـف خلـي=وش ميّزه بالحسن عن باقي النـاس
قلت العفـو هـذاك فـوق متعلـي=عن كل زينه مرهفة ذوق واحسـاس
شعر سـواده ليـل حـدر متدلـي=ورموش عيـن خـادرات ونعـاس
وان سلهمت بالعيـن تيـه وتغلـي=اشرب من الحسرات كاس ورا كاس
شفايفـه سكـر نـبـات محـلـي=على ثمان اللـول بـابٍ وحـراس
وتفاحتـيـن زودن نــار غـلـي=مزروعه في صدر اصفى من الماس
العقـل وافـي والجمـال متمـلـي=في وصفها يحتار ناشـد وعسـاس
هذا جوابي عـن تواصيـف خلـي=متميز حسنـه عـن باقـي النـاس
الشاعر:زايد بن عايض الرويس
علـى TWAمـع حـزة الاظــلام=مشت رحلـة يـم الديـار الامريكيـه
على متنها شالت كثيـر مـن الاقـوام=وطارت وحامت فوق الاجواء السعوديه
نصت ديرة يوجد بها الطور والاهـرام=محطـه ويقفاهـا مشـاويـر جـويـه
من القاهره تقلع لدار الخواجـه سـام=وتهبط على نيويـورك ماعقبهـا شيـه
وانا اللي دفعني لمسكة الطرس والاقلام=رفيقٍ مشا والقصـد رحلـه دراسيـه
رفيق معي ياقف لاجت الظروف جسام=اعده من اخواني واقولـه علـى نيـه
رفيق صديق صحبته اعتبرهـا وسـام=من اللي لهـم بالقلـب قـدر ومحليـه
من شيوخ قوم لاجـاء بالليالـي قتـام=لهم ماقف مشهور فـي ساحـة الهيـه
الاد النعيري فالمواقف سنـد وحـزام=مواقيفهـم للنـاس ماهيـب مخفـيـه
رفيقي ولد هيـال خالـد هـو المقـدام=عسـى الله يـرده سالـم للسعـوديـه
الشاعر:زايد بن عايض الرويس
الزين عانه مع الأشـوام=اهـل الحـدود الشماليـه
زيم مصفّى يابـن حـزام=ماهوب زيـن الخليجيـه
لاتـوح وتتابـع الافـلام=في وسط خفرة جهاديـه
ولاتقول يازين شكل احلام=صفرا ترى واصلها كيـه
عودٍ تربيت وسـط خيـام=عيد الفطر عقبه ضحيـه
وكّل على البل والاغنـام=واظهر جواز السعوديـه
كنك تبي تـروح للدمـام=واقلـع طيـران جويـه
في ذمتي ان رحت ماتنلام=تتلقـى طـراه وحياويـه
بتشوف زين بـدون لثـام=مـا للمكاييـج مـاريـه
وامل جوازك من الاختام=ختم الخـروج ودخوليـه
وانتبـه لا تجـي صـدام=تصبح ضحيـه عراقيـه
لازم توكد مـن الاعـلام=لبنـان وحـدود تركيـه
الشـاعر:مطلق بن مناحي الرويس
يالوضح ماحدك على حاجر الشيح=ومنابت الحرمـل شمـال المسمـا
وهاك الخشوم الي حصاها صلافيح=الا الزمان الي ماهوب اخو شمـا
البر ضـاق وضايقـوك المشافيـح=واحتدك الضامي على الي مضمـا
مير اطلبي منشي السحاب المراويح=يرزقـك رزاق المخاليـق لـمـا
بمزن يجي من يمة الغرب طفيـح=وليـا ومـره الله رعـد ودلهـمـا
نو عروض للرعـد فيـه تسبيـح=اليـا توهـل عاليـة نجـد سمـا
مدة كريم ساقهـا مرسـل الريـح=من حـد كشـب للوريعـه وحمـا
قدمـه ربابـه كالنعـام المشاويـح=ربـد تقـول اقطـاع بـدو تلمـا
فيه الرعد كنه مصلـي التراويـح=اليا قـرا صـورة تبـارك وعمـا
ياخذ شهر وثعـول وبلـه مدابيـح=نوب على الهادي ونـوب يتحمـا
يغنيك عن مرتع قراش الفـلا ليـح=الـي دبشهـم هامـل مـا يضمـا
واسلاك شايكة تجرحـك تجريـح=وارض بها اكيـاس النفايـه ترمـا
الشاعر:عبد الله بن عون الرويس
ياراكب اللي لامشى ياصـل الـدار=جمس عديم الوصف لونـه سمـاوي
تسعـه جديـد مجهزينـه للاسفـار=هو منوة اللي طول عمـره شقـاوي
مقطوع عن كل المشاكل والاخطـار=ماوقفـه راعيـه عنـد القـهـاوي
لولا الفرامل والنمر تمسكـه طـار=ودايم على قطع المسافـه رهـاوي
ماحافه شريطـي ولا حـد باسعـار=وراعيه ماباعـه ولا هـوب نـاوي
فوقه شجاع حافـظ كـل الاسـرار=يوصل المكتـوب ماهـوب غـاوي
ممشاه من عرعر قبل وقت الاسحار=والعصر في ديره هل العز ضـاوي
ملفاه شيـخ مـن وفييـن الاشبـار=عبد الله ابن عـون زبـن الجـلاوي
راع الكرم والطيب والجود والكـار=وريف الضعيف اليا بلتـه البـلاوي
يامعشي الضيفـان ومعـزز الجـار=وذبـاح حيـل مولـوه الـشـواوي
له مجلس مدهـال لصغـار وكبـار=ياسعد منهـو لبـو نايـف مخـاوي
شبل الاسود مطوعة كـل الاشبـار=حميـاة التالـي نهـار الـعـزاوي
يافزعة ( الروسان )اليا حلت الـدار=لجـا لـزوم دون ربعـه فــداوي
فك السجين اللي شرب كاس الامرار=مصبر علـى قيـد برجلـه يـلاوي
ماجاه علم ولا سمـع منكـم اخبـار=والموت عنـده والحيـاه متسـاوي
ينخاك يامشكاه فـي كـل ماصـار=تمشي بموضوعه وتنهـي الدعـاوي
صابر وكني يابونايـف علـى نـار=وجرحي بقلبـي مالقولـه مـداوي
تمت وصلى الله على سيد الابـرار=عـداد ماينطـق مـن القـول راوي
الشاعر:زيد بن نيف الرويس
يا كان من ليلة على أرضك تساويـت=عيـا وفاقـك لا يـلايـم وفـاقـي
لو كان فالضيفـان مـا قـد ترديـت=وجـوك متيـع و تعتنـي بالطراقـي
من يوم طبيتك و أنـا مـا أسفهليـت=لعـل مـا يبقـى لأهاليـك بـاقـي
حاولت أوسع خاطري فيك و أزريت=بيني و بين أطبـاع أهلـك انشقاقـي
واليوم غايـة رغبتـي لـو تمنيـت=فرقاك و أنته مـا تبـى إلا فراقـي
واللي على بعده مـن البعـد حنيـت=وينتابنـي عقـب الحنيـن اشتياقـي
نجد وهواه و شوف هاك السباريـت=اللي لها فـي وسـط قلبـي رواقـي
ومنادمـة روس الرجـال المناعيـت=كل أبلجـن لـه فالطويلـة مراقـي
ولحدٍ يواخذ ني ليـا قلـت هاويـت=وضح ٍ تفرق ما اجتمع مـن ضياقـي
وضح ٍ ليا مني مـن المـدن مليـت=معها انشراحت خاطـري وانطلاقـي
أمـا ليـا سنـدت و ألا ليـا نحيـت=مع درب براق ٍ سر الـه شعـا قـي
برق ٍ سرى يوضي كما يوضي الليت=بعروض نوى ٍ ساق مزنـه وساقـي
وتعرضه من رايـح الشـرق تثبيـت=يثني على الريض أرقـاب السباقـي
ليا شفت براقه على سيلـه أرهيـت=بيـض مراهيشـه مطرهـا حقاقـي
تذبح لهـا حـي ٍ و تحييلهـا ميـت=وتصبح به الوديـان مثـل السواقـي
وأما تحاسنـت العساسـه و عسيـت=ومشيت مـع سيلـه و نبتـه دقاقـي
وألا على دربه ليا أصبحـت شديـت=وخليتهـا تـاط الحثـم و الرقـاقـي
وضح ٍ ليا احتست و شافتني أنويـت=قامت تسـوق أنفوسهـا مـا تساقـي
تنجال مثل الصيد لا صحت وأوميـت=وألا ليـا طـق اللبـيـد العـراقـي
يجيـك ممشاهـا تبـارى تفاخـيـت=مافي بعضها عـن بعضهـا انفهاقـي
ولو حال من دون المعشى مراريـت=ترهـي عليـه معربـات العمـاقـي
من ساس وضح ٍ فالجز يره لها صيت=علـى مخاذعهـا تلـوح الحـلاقـي
وليا تثنـت فـي نبـات السواريـت=في خايـع ٍ لأرقـاب نبتـه زراقـي
غادي بوسطـه لأم سالـم زغاريـت=وفيه الزبيدي مثـل بيـض الطواقـي
ثـم جيـت فأولهـا وللنـار شبيـت=وقضب عراقيب الـدلا ل الشلاقـي
ما غبطك يا للي فالحضـاره تلويـت=يا موالف الجدران ويش أنت لا قـي
لو كان فالحصن الحصيـن استكنيـت=وتقول أنـا مرتـاح مانيـب شاقـي
كانك على هالأنطـواءى استمريـت=وسويـت مـع بـث القنـاة اتفاقـي
أما من السكـر شبعـت و ترويـت=وألا بصرك أوشك على الاحتراقـي
سج النفس واضرب دروب الخراريت=لو ما تذوق مـع الخـلا مـا يذاقـي
ما ينطوي في غرفة ٍ فأخـر البيـت=غيـر الـذي راسـه يبيلـه عراقـي
الشاعر:عبد الله بن عون الرويس
ياحشر عيشك بالصحاري وممشاك=يسوى حياة الـي حياتـه سماجـه
دارا لجدانـك ربـو فيـه وابـاك=عاشو على ماه الهماج وعجاجـه
اضرب خرايم نجد لاعمست ارياك=لـو ماتفيـد الا هـواه وزراجـه
وملفاك في بيت نشميـا وممسـاك=في بيت نشميـا يجيبـك سراجـه
اليا لفيته من اطيب الفرق عشـاك=واليا قابلته قام يضحـك احجاجـه
وحذراك تلفي على النذل حذراك=وحذرا تدور عند الانـذال حاجـه
اما ظهر من باب بيتـه وخـلاك=ولا ذبـح لـك ديـك ولادجاجـه
ولا قعد باقصى محلـه ولاجـاك=وانت قعدت تواجه الـي تواجـه
الشاعر:غازي بن عون الرويس
البارحه ليلي قضيته على الكـوع=لين اذن المـذن وقـوم صلاتـه
كني يتيم من عنا الوقـت مليـوع=واليه والي وجايـر فـي ولاتـه
يمسي على هم ويصبح على جوع=حافي قدم والثـوب بـالٍ بلاتـه
باسباب غرو لاعني بالهوى لوع=يحمل تواصيف الضبا في صفاته
شبيه خشف الريم زامي ومدلوع=حذر على نفسـه بكثـر التفاتـه
في وسط قلبي له بساتين وزروع=يبذر ويزرع ثم يحصـد غلاتـه
قاعدت اطالع ساعتي منه مفزوع=وراه يبطي جعل عمـري فداتـه
اناظـر الهاتـف اذا دق وافـوع=شفق على صوته وهمس كلماتـه
الوقت يسرقني وانا عنه مـردوع=والحظ عيـا لا يقـرب خطاتـه
حلفت يبقى الحب سامي ومربوع=حتى يفيق صويحبي مـن سباتـه
هذا قوانين الهوى شرع مشروع=كلن على حظـه يحقـق مناتـه
احدٍ على خله سقيـم وموجـوع=واحد مـع خلـه سعيـد بحياتـه
الشاعر:سعد بن مناحي الرويس
هذه قصيده قيلت في الشيخ(عبدالعزيز بن جامع—ابوخالد)شيخ الروسان
للشعـر عشاقـه وللشاعـر افكـار=وللفكـره المعنـى وزيـن التعابيـر
واليا بديت القـاف مانيـب محتـار=كن المعانـي قـدم عينـي طوابيـر
أختار منهـا مثـل مـا ودي اختـار=وتمطر مثل غيث السحاب المزابيـر
الى تغزلـت اهـدي ورود وازهـار=والى مدحت امدح رجـالٍ مناعيـر
والمدح ما هو سـرّ لا والله جهـار=يستاهله شيـخٍ كسـب كـل تقديـر
هذاك ابو خالد عسى عمـره اعمـار=دون القبيلـه وقفتـه دايمـاً غـيـر
لا قيل ابن جامع / سكت كل هـذّار=ريـف اليتامـى فالليـال المعاسيـر
زبن الدخيل ومكرم الضيف والجـار=ويشهد على ما اقول صفـرٍ مباهيـر
في قصره اللي واضحٍ مد الابصـار=متوسطٍ في نجد فـي منـزل الخيـر
هو ذخرنا لا صار فالوقت ما صـار=( لاد المروّح ) ما شكوا منه تقصير
في مجلسه تلقاهـم صغـار وكبـار=وزودٍ على الروسان تلقى الخطاطير
ما يبخل بجاهه ولا سـاق الاعـذار=وفي نظرته تلقـى لحاجتـك تبشيـر
هو شيخنا اللي ياقف الماقف الحـار=طبعٍ لجدانه وهـو واصـل السيـر
يوم انها غـارات ومواجـه اخطـار=ومواقعٍ يشبع بهـا الذيـب والطيـر
تلقى الجوامع من على قحص الامهار=خيّالهـم يفتّـك وان ثـارت يغـيـر
واليوم في وقت الرخا صاروا اسوار=درعٍ لنـا نلجـا لهـم دون تفكـيـر
هـذي تعابيـري وللشاعـر افكـار=ولا لي وراها غير صـدق التعابيـر
الشاعر:زايد بن عايض الرويس
لـوا هنـيـك سـالـي القـلـب ومـريـح=ولا وطـاك مــن الغرابـيـل واطــي
مالوعـنـك ســود بقـعـاء النواطـيـح=سـود الليالـي الغاتـمـات الغـواطـي
اللي اساهرهن على الكـوع واطيـح=كلـه منسهـم عـلـى القـلـب سـاطـي
واجض منهن جض خلج السراريح=وأون ونة من علـى الجمـر واطـي
وجدي علـى فكـس بعيـد المراويـح=مـن قـو مشيـه خلفـه العـج غـاطـي
تــوّه جـديـد مـاضــرا بالمـسـاريـح=توه من الميناء على الارض خاطي
يلفـي علـى ذيـك البيـوت النواطيـح=بيوت لهـا بالطيـب بحـر وشواطـئ
روسان من نسل الحرار الطحاطيح=ربـعـي هــل الفـزعـه بلـيـا تبـاطـي
ودي بشوفـتـهـم بـلـيـل وتـصـابـيـح=ومـن لامنـي يـاعـل يـاطـاه واطــي
سعد بن مناحي ابن عوجان الرويس
ياليلـةٍ قضيتهـا عنـد محـمـاس=ماهيب عندي من حسـاب الليالـي
قضيتها في مجلسٍ يرفـع الـراس=منصاً يرودونه شخـوص الرجالـي
على مباهيرٍ علـى النـار جـلاس=صفـرٍ تعاقبهـا يديـن العيـالـي
يعبا لها مـارود صنعـا بالاكيـاس=ويشرا لها الهندي ولو كان غالـي
فنجالها يطرد عن البـال هوجـاس=لاقـام يـذرف مثـل دم الغزالـي
قد وصفه قبلي كثيـرٍ مـن النـاس=منهم ولد حامـي عقـاب التوالـي
اللي بوصفه لاحسن الوصف لماس=غازي فـدوه قصيريـن الحبالـي
ليلة عمر ماهيب تنقـاس بقيـاس=ولاتنتقـدر بالـذهـب والريـالـي
للشعـر طلابـه وللبـن حـمـاس=والعود الازرق لـه علينـا ظلالـي
بحضرة بني غازي وساير وغملاس=وابوفهـد شامـان نعـم المجالـي
وابن بجد وحسين عدمين الاجناس=ربـعٍ منازلهـم بـروس العوالـي
ومحمد بن دحيم مانيب الـه نـاس=طيب واعـده واحـدٍ مـن خوالـي
واللي جمعنا جاره الله مـن البـاس=فـي ليلـةٍ غـرا قمرهـا يلالـي
اتلا الليال اللي طوى دونها اليـاس=الـذ واغـلا مـايـدور بخيـالـي
يالله عسى محماس وامثال محماس=في لوح ربي من طـوال المهالـي
عبد الله بن نايف الرويس -ابن عون-
ياراكب اللي تو جابـوه مـن بـون=احدث انتـاج التقنيـه فـل كامـل
علـى نظـام مايضاهـا وقـانـون=جا عن طريق اللمس معه التعامـل
نظـام مطـور ومتقـن ومـأمـون=مبرمج على بصمات روس الانامـل
على الهوى والهيدروليك والدركسون=والبستـم اللـي يرفعـه والفرامـل
من الداخل مفخم مراتـب وطبلـون=مرابتـه والسقـف جلـد ومخامـل
اليا اشتغل بالهون يـادوب يوحـون=طلاسم مخفاه فـي صـدر رامـل
كـن البساتـم والبلـوف يتخالـون=متفاهميـن فالعـمـل والمعـامـل
الحجم ست اميـه كفـارات بالـون=ورقمه مميز مثـل وسـم الهوامـل
كنه قطاه شافـت الحـوم واللـون=لون المهاه اللـي ربـت فالمهامـل
من مصنعه عشر سنوات مضمـون=ضمان عن كـل العذاريـب شامـل
يروّح من الطايف بعـد مايصلـون=كنّه نـداوي علـى الطلـع صامـل
وليا تعدى ظلم يمشي علـى الهـون=بدارٍ لرايـة حبهـا القلـب حامـل
ياحبتـي لاجيتـهـا لا تعجـلـون=حتى صورها فـي خيالـي تكامـل
محبوبـةٍ شـارك غلاهـا الـنـون=بيـن الحنايـا عامـل لهـا عامـل
عـذرا منّـول وجههـا مـزيـون=واليـوم مخلفـتٍ بهـا العـوامـل
لا شفتهـا بيّحـت ماكـان مكنـون=وتنجـب عيـونٍ بالعبايـر حوامـل
تنشي مناشيها مـن الدمـع بمـزون=وقامت مثل ديـم السحايـب تهامـل
من وضعها كنّي على اللجف مطعون=والحال ساملها مـن البيـن سامـل
ماكن حل بربعها اسلاف وضعـون=وعوارف ترفـي فتـوق الخوامـل
صيـدٍ دهـاتٍ فالملمـات ينصـون=كعّامـة العايـل جمـال المحامـل
هم و الوفاء في كل ظرف يتخاوون=مخاوي الكبير سعود هـوّ وزامـل
رجالهم يبـرز الطوابيـر فالكـون=ولابن مهيد ولا خو همـلا مزامـل
الجـود ماخـلا بفعلـه منـه لـون=لشمايل الجـود وللامجـاد جامـل
اهل بيوتن تكهن الضيف وصحـون=بكنافهـا عاشـوا يتامـى وارامـل
والنخوه الها عندهـم يـوم ينخـون=تنغمـش فالـروس والهـا تنـامـل
وهيباتهم دون الوطن سور وحصون=ماهيـب غفـل للطماميـع هـامـل
عـن حدهـا للـي يبيهـا يحـدون=ويخيبـون آمـال ضـد بهـا آمـل
اقصد ذخر مارق وسطام بن عـون=جمال تشيل حمول بـاق الزوامـل
لا عـدوا اعـلام القبايـل يعـدون=قول يصان اعن الخنـا والمجامـل
وصلوا على الهادي عـدد مايلبـون=وعداد مايهمل مـن الوبـل هامـل
غازي بن دخيل الله الرويس -ابن عون-
عسى المطر يزي الهضاب المشاريف=يزي الهضاب اللي (مصده) وراهـا
يزي وطن ربعـن يهلـون بالضيـف=عيد الركاب اللـي تواشـل حفاهـا
طرقيهم ياخذ لـه نهاريـن ماشيـف=اربـع ليـال وحاجتـه ماقضـاهـا
من كثر مايدعى على غالـي الكيـف=علـى دلالـن غـالـي مشتـراهـا
لا عل مافيهـم مصاخيـن وضعيـف=والله يبـدل عسرهـم فـي رخاهـا
وانا على ربعـي كثيـر التحاسيـف=قفتبـي الدنيـا وشالـت عصـاهـا
(؟؟؟؟؟؟)
يارجم يوم معذب القلب عـداك=ابدا خفاهـولادرى عن خفاكـا
من زود همه كل عصر يتعلاك=ولمـر يـوم واحـدٍ معتلاكـا
ان كان شيء تسمعه منه مبكاك=حملك ثقيل وعلمه وش بلاكـا
عطه العلوم وعلمه ويش دعواك=ولاتحمل فـي حياتـك خطاكـا
بنصحك يارجم يوم اني ارقـاك=نصيحتن علمبهـا مـن رقاكـا
رفيقك اللي لابدا لازمه جـاك=لابدالـه لازمـن فيـك جاكـا
ولاهوب حبٍ فيك يوم يتنصاك=لايـدور حاجـهً مـن وراكـا
وان حصل المطلوب قفا وخلاك=تقـول ماكنـه بيـومٍ نصاكـا
خله لعله يافتى الجـود يفـداك=عسى الرخوم اللي سواته فداكا
(اتوقع انها ناقص فيها كم بيت)
سالم الحميدي الرويس--المريبض--
دنيـاً إذا فكـرت فيهـا ولاشــي=خداعـةٍ مكـارةٍ مــا تـدومـي
مادامت لصـدام وعـدي وقصـي=ما كنهم ساروا بها نصـف يومـي
ورابعهم الصحاف عانوه في دبـي=منقـح ألكذبـه كبيـر العلـومـي
حكومة راحت كما الحلم في شـوي=وكتوف أهلها غاطيتهـا ألنجومـي
بعّربهـا عـزة وياسيـن وعــدي=راحت مراح ادهام مثل الحلومـي
قالوا لها عدوانها فـي ضحـى دي=واستبدلـوا شجعانهـا بالرخومـي
الذيب في كهفه سكن فرخ حصنـي=وفي ماكر الحر ارتكز فرخ بومـي
والقائـد المهيـب عـاش متخفـي=عقب الطغا والعز صارا محرومـي
كـل يقـول الله كريـم ومـقـدي=هذا جزاء من لا يعرف السلومـي
عقب الشبح يمشي كما الكلب رجلي=غير السلامـة لوتجـي مايرومـي
وعزي لمن مثلـه يعيـش متخبـي=لامـن يجيـب ولا يـرد العلومـي
عبره لمن نهجه مع النـاس سلبـي=ومن الخطأ ما فيه شخصا معصومي
محمد بن سعود الرويس -ابن هلال-
يامل عين ٍ في محاجرهـا مثـل شـوك الحمـاط=وإليـا طرالـي ماضـي ٍ قفّـى تفيـض دموعهـا
من كثر ماتجهش بماهـا محفـي الخـد الحشـاط=إلهـا ثـلاث وسبـع وأربـع ماوقـف ينبوعـهـا
تبكـي علـى ايّـام السعـاده والهنـا والانبسـاط=اللي تكـدّر خاطـري عقـب ارتحـال نجوعهـا
ولا آضنّ ترجع لو يلج عليـان فـي سـمّ الخيـاط=ولاّ شفايـا الآدمــي تـقـدر تقـبّـل كوعـهـا
ويـوم أذكـر ايّـام السعـاده والفتـوّه والنشـاط=المملكه تضيـق بـي لـو هـي وسـاع ربوعهـا
وإليا ضرب له شوط هاجوس الضماير واستشـاط=شامت عيوني عن لذيـذ النـوم عقـب هجوعهـا
وشبّيت نار ٍ فوقها خمس ٍ مثـل وصـف القطـاط=صفر ٍ كراسيهـا عـراض مْضمّـرات فروعهـا
يشرا لهـن بـنّ اليمـن والهيـل ماغيـره خـلاط=غريب نـوع الكيـف وادلالـه غريـب ٍ نوعهـا
فنجالها لاصـبّ لـي لونـه مثـل لـون المشـاط=وإليـا تناولتـه هواجيـسـي تـفـلّ جموعـهـا
الله مـن وقـت ٍ تقشّـط فيـه الاعمـار انقشـاط=تطوى العمـار دهورهـا وشهورهـا واسبوعهـا
نمشي على درب السلف ممشى البشر فوق الصراط=بدنيـاً كمـا عـذراً تزيّـن خـدّهـا بأردوعـهـا
فرعا القوام اللي حمـار اوجانهـا مثـل الطمـاط=وتلبـس لعاشقهـا الحلـي وتْكـدّ لـه منسوعهـا
ومن لاتحذر مـن مقالبهـا وأخـذ منهـا احتيـاط=قـدّام لاتسقيـه مـن كـاس الكـدر قرطوعـهـا
تفتق على المغرور عقـب الستـر فتـق ٍ مايخـاط=ولا تخدع إلاّ الجاهـل اللـي مايعـرف طبوعهـا
الغافـل اللـي مايفكّـر بالـحـروف وبالنـقـاط=تبصـر عيونـه والاذانـي يسمـعـنّ سموعـهـا
لكنّهـا رابطتـن الغفلـه عـلـى قلـبـه ربــاط=وبصيرتـه تبـع الهـوا مطفـن شعـاع شموعهـا
نفسه تقوده مع طريـق اهـل الـردا والانحطـاط=ومطيعهـا فـي غيّهـا وذلالـهـا وغضوعـهـا
ولا ينتبـه لأخداعهـا إلاّ لاضربـتـه بالسـيـاط=وعقب الحدث وش ينفعـه لـو ينتبـه مخدوعهـا
وإليا التقط تلك الملك من جسمـه الـروح التقـاط=يندم علـى مـا فـات عنـد اخراجهـا ونزوعهـا
ومن انتبه منذ الصغـر لأحـداث بقعـا واستحـاط=وقـرا مـن الكتـب المفيـده واستمـع مذيوعهـا
يلقى صنيعه لاوصل حـدّ العـرق فـوق الابـاط=وبيض الصحايـف فتّحـوا لأصحابهـا مشموعهـا
كمّ من جموع ٍ جالهـا صولـه وجولـه واختـلاط=وعقب اجتماع الشمـل بقعـى فرّقـت مجموعهـا
غازي بن دخيل الله الرويس --ابن عون--
القصيده الحائزه على المركز الاول في مسابقة (اجمل قصيده في الطير)والمسابقه
للشيخ زايد رحمه الله عام 2004 م ولازالت قصيدة العتيبي حاملة اللقب...
اليكم القصيده
ياطير باقي لـك ليال(ن)قلايـل=ويتم موسك ياابيض الريش كلـه
حتى النجير اللي له العام شايـل=يكسيـك مثلـه صافيـه لمعتلـه
لايجزعك سجن(ن)به الظل مايل=راح الكثيربسجنك اللـي تملـه
غيرك سجين(ن)من ردي العمايل=ونته سجين(ن)سجنتـه حشمتلـه
مثلك قليـل ونادر(ن)فالفصايـل=وفالندر اخوانك من النـوع قلـه
من ماكر السيبيـر عسرالمنايـل=ماكـل طاروح(ن)يجيـه ويدلـه
ياطيرلك وصف(ن)غريب وفعايل=تاخذ كمال الوصف دقـه وجلـه
بالمعلف الراهي وبالطول طايـل=طول(ن)على الشبر الطبيعي يزله
افهق مناكب مهدف(ن)قدم مايـل=صاحي جسد والعظم مافيه خلـه
اقحف وسيع الموق والبوز هايل=بوز العقاب وشدق مسموم صله
ست المواسي بارزات(ن)نحايـل=امن العرا فالريـش ماخالطلـه
في مقدمك منشا صدوق المخايل=امزون صيف(ن)بالبرد مستهلـه
وبالفعل وافي ياوفي الخصايـل=ياما بطشت كفك بروس الأهلـه
لانازل الحفـال وقـت النزايـل=اللي يبا النومـاس قـدام خلـه
اعذر بخله يوم شاف الصمايـل=اليا حصلـه قدمهـا ماحصلـه
اصبر وتال الصبر دايم جمايـل=لابد لك من كـف راعيـك تلـه
هذاك ابو فيصل عريب السلايل=موف(ن)حقوقك والوفا خصلتلـه
بينـك وبينـه للمـوده دلايــل=منها اهتمامه فيك سيـد الأدلـه
ملفي بن محمد الرويس-ابن عون-
هذا مجاراة الشاعر الشاب سلطان الرويس لقصيدة عبد الله ابن عون
(يامل قلب يسج وفيه دولاجه )سبق وانطرحت قصيده ابن عون
اليكم قصيدة المريبض
سر يا قلم وانقش حروفن بلا عواجه=للمزنه اللي حواس الخمس تدمجهـا
من بد حورن عليها الناس هراجـه=لاغاب عنها القمر يكفي مسارجهـا
اليا ذكرته يزود السـادس الواجـه=في ليلة ما بعـد نامـوا حوايجهـا
سلم عليـا بصوتـه بحـة الناجـه=تفتح لمن سد في وجـه وتفرجهـا
لو استغاث المطر ليجيـك فجاجـه=يكف شمل الديـار اللـي تولجهـا
في نون عينه تباشير المطر راجـه=رجـة بهـا القـاع خيـر نتايجهـا
للفم شف عليه النـاس فـي حاجـه=كن العسل ينظرونه من مخارجهـا
وارسلت مرسول في حبنـا داجـه=عود بخيبه علـى وجـه تحججهـا
قـام يتولـج قلبـي علـى صاجـه=خطـر وصولـه سريـع تخفجهـا
مـن دون علمـي بابـن بمزلاجـه=تسريبـي اعـوام قفـل مزالجهـا
ما يسرج الخيل يـا كـود سراجـه=له خبرتـن بالخيـول ومسارجهـا
والحين شف لحدا القسمين مخراجه=اما تصـون العهـد والا تدرجهـا
سلطان بن فضاء بن متعب الرويس -المريبض-
أهـلا وسهـلا ومرحبتيـن ياخلـي=ترحيب من قلب صافي والله أدرابـه
ترحيب أحلا من ا لشاهي أليا حلـي=لاصرت أنا اللي أذوقه وأنت صبابه
ياللـي أليـا غبـت ألاك ترسـلـي=وأنا غيابك لزوم أدري وش أسبابـه
مادام كـل المعانـي فيـك جازلـي=درب الهوى دون غيركم قافل بابـه
ماينفتح غير ألـك يصافـي الدلـي=ومن دون غيركم قافل هجسه وهندابه
هـذاه مفتاحـه وهـذاه أنـا كلـي=بيديك صكه وفتحـه وأنـت بوابـه
الحميدي بن زايد الرويس --المريبض--