لمن هذا البيت ؟

[نايف بن رسام]

الســـلام عــــليكم ورحـمـة الله وبــــركاته


الكثير منا يحفظ بعض الابيات الجميله مع جهل صاحبها او باقي القصيده


لذلك هنا اللي يحفظ بيت او بعض من قصيدهـ ويجهل قائلها يكتبها هنا .



ابد أ انا ببعض الابيات اللي كثير منا يعرفها .



ان عشت يا راسي كسيتك عمامه ....... وإن مت ياراسي فدتك العمايم



-------------------------------


ياراس راسي ليت مانيب مقلوب ........ عسى الطبيبه ما عطتني دواها



--------------------------------



يازين انا رخصتي قبل امس تاليها ...... خليت الايام من شانك يطوفني

يا زين يابعد دار عنك ناويها ....... خلت جداد المكاين يستبيدني

يازين ابي حبتن من فمك عطنيها ...... ثلاث حبات من مبسمك يكفني





اتمنى اكون افدتكم بالفكره وارجو التثبيت

[سيف الرويس]

الســـلام عــــليكم ورحـمـة الله وبــــركاته


وعليكم السلام ورحمة الله وبركاته


ان عشت يا راسي كسيتك عمامه=وإن مت ياراسي فدتك العمايم


لمحمد بن سرار المنبهي رحمة الله عليه فارس من فرسان قبيلة شهران




يا راس راسي ليت ماني بمقلوب=ليت الطبيبه ما عطتني دواها

لاحد اهالي الدوادمي وهو الشاعر سعد ابن جريس






يازين انا رخصتي قبل امس تاليها=خليت الايام من شانك يطوفني

يا زين يابعد دار عنك ناويها=خلت جداد المكاين يستبيدني

يازين ابي حبةٍ من فمك عطنيها=ثلاث حبات من مبسمك يكفني


(( لا اعلم من هي له وياليت اللي يعرف شاعرها يكتبه افضل ))

اتمنى اكون افدتكم بالفكره وارجو التثبيت

الفكره رائعه يا بعيد الهقاوي

وانا عندي بيت مخاويني له تقريبا ست سنوات ولا اعرف من هو له

كل اللي عرفته انه لرشيدي وكان يوصي ابنه فيها والعهده على الراوي كما يقال


ليا انشدوك الناس احرص على الميم=ما شفت ما عينت ما اوحيت مدري

[نايف بن رسام]

صامد الراي

اشكرك على مرورك


سيف الرويس

الله لايهينك على المعلومه


ليا انشدوك الناس احرص على الميمما شفت ما عينت ما اوحيت مدري


بالنسبه للبيت مدري اول مره اسمعه لكن ببحث لك انشالله



وهذا بيت سئلني عنه احد الزملاء

العلم يا مخلد ليا شبو النار 00000000 حطو وعدهم في المكان المغيبي

[ضاوي الرويس]

بعيد الهقاوي...




إليك هذا الإيضاح على وجه السرعة ولعل به مايفيد:


حبيليص بن عديس الشيباني رغب الزواج بفتاة ولكنها أختارت الشاعر مخلد القثامي الذي قال :





ياراكب مـن فـوق نسـاع الأزوار=ضبيـس يبيـس شلاهيـب شيبـي
اليا عطن واد مـن السيـل معتـار=اخـب قـدام الركـايـب خبيـبـي
مافوقهن غيـر الجواعـد والاكـوار=وقريبـة مـرويـة مــن قليـبـي
وان هب نسناس كما واهـج النـار=ابرد عليهن عـن سمـوم اللهيبـي
وسقوى على عيني اليا شفت الانشار=واصبحت رايضـة بشايـر حبيبـي
كنـي مثنـي لـي بحجـة ومزتـار=ويزيـد حالـي مثـل زرع الركيبـي


فقال بن عديس:





ماذم مخلـد لـه معاميـل وبهـار=لاشك يبـدع لـه كـلام صعيبـي
ان كـان يامخلـد تنـوي بمعبـار=سج الركـاب ونصهـن الحريبـي
الدرب عانه من حصا كشب ويسار=ماطر عسلج والهضاب العسيبـي
لازم ليا وايقـت بالحـزم سبـار=تشوفهـم ببـيـوت والاعزيـبـي

العلم يامخلـد ليـا شبـو ا النـار=وحطوا وعدهم بالمكـان المغيبـي

وتطلقوا مثـل السراحيـن عبـار=كل على طلب الرجـا والنصيبـي
احد يجينا بالسرق جـل وصغـار=واحد يحوز عن الخمر والشعيبـي
وحنا طلايقنـا يشوفـن الانظـار=اليا حدوا المرحان يـم الجذيبـي
كم خيمة من دونها خمر وحجـار=نضوي ونشلعا كمـا شلـع ذيبـي
وحنا ليا سرنا وحبل الرجا سـار=نقطع عليها الخوف قطع العصيبي
ونعطي قصيرتنا من العرب مغزار=يستاهل الفرحـه وحـال يطيبـي
ونصنف الدنيا ونبنـي بهـا كـار=يوم الرخوم مـع القرايـا تسيبـي وتقبل المرور..

وحنا حاضرين طال عمرك..

[نايف بن رسام]

الله لايهينك يابومحمد

ماتقصر

ومشكوور على الايضاح الوافي

يالوافي