عمــــلية انقـــاض مضكـــــــــة .....!

[وهج]

أسعد الله صباحكم بكل خير


كان ياما كان في قديم الزمان


يعني يوم الخميس 29/11/1429هـ


كان فيه واحد جاي من وادي الدواسر


وده يتفرج على السيول في صبخة القصب


اللي تجيك قبل القصب على اليسار وانت جاي من الرياض


المهم الرجال وقف سيارته جنب البحيره ونزل يتمشى


http://www.upghlaha.com/files/w7t69iuqo6pop0vdyd6f.jpg (http://www.upghlaha.com/)



مادرى الا الماء وصل موتره


حاول يطلع لكن ما امداه


كفراته صارت تدور في الطين

http://www.upghlaha.com/files/5sdxfgth5nfu2xki1ckk.jpg (http://www.upghlaha.com/)


المهم ترك موتره يمرح يوم جا الصبح ويفزع له راعي حراثه


حاول يسحب الجيب لكن صارت هذي النتيجه خخخخخ

http://www.upghlaha.com/files/s0c39id19kbysq5w3ih1.jpg (http://www.upghlaha.com/)

http://www.upghlaha.com/files/4n02npgt38a7gkgpfzil.jpg (http://www.upghlaha.com/)


مسيكينه هالحراثه



راحت فيها

http://www.upghlaha.com/files/jqqa7b2f9rith84dc1b6.jpg (http://www.upghlaha.com/)


هالحين الحراثه تقول


طلعوووووني وش لقفني اجي فيذا



المهم أشروا لراعي قلابي سكس على الخط وجا يبي يسحب الحراثه



وكانت هذي النتيجه خخخخخخ
http://www.upghlaha.com/files/bazemdnuj273w82u2gpo.jpg (http://www.upghlaha.com/)



قالو مابدهاش لازم نجيب دركتل


لكن شوفو وش صار



http://www.upghlaha.com/files/9a0svgu7tkx219mafx5c.jpg (http://www.upghlaha.com/)



قامت الحراثه تضحك



قالت (قيت لك ياعبدالمعين عوزك تعيني لئيتك ياعبد المعين عاوز تتعان)


<-- طبعاً باللهجة المصرية


http://www.upghlaha.com/files/c4jg2jwcvhx23cr0ut1x.jpg (http://www.upghlaha.com/)



المهم قالوالحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه


وقعدو يتقهوون بالبريق اللي قدامكم


وفعلا جا الوايت علشان يسحب هاللي غاطسين


وشوفوا وش صار


http://www.upghlaha.com/files/3au2eelf059mibguvhgr.jpg (http://www.upghlaha.com/)



وتركو الجيب والحراثه وقلابي السكس والدركتل


وحاولوا يطلعون الوايت
,,,,,,,,,,,,,,,,,,,,,,,,,,,,,,,,,,,


شكل السواق توهق وانواع الجزاءات بتطبق عليه


وحاولوا كثيراً بدون فايده

http://www.upghlaha.com/files/zybbs3ke20x5i4wvyl0n.jpg (http://www.upghlaha.com/)

يوم انهم عجزو قالو ما يفل الحديد الا الحديد


جيبوا ابو جنزير


ويجيك يتمخطر ويضحك على هاللي غاطسين
لكن جاه ماجا ربعه


تعلق اخينا في الله وقال هذا مكاني


http://www.upghlaha.com/files/swh6y3fdy5c7m4pkvx3c.jpg (http://www.upghlaha.com/)


وجابوا عمال البلدية يحفرون له وحطو له خشب يبون يطلعونه
لكن ما فاد وبعد مااستفادو من الدرس اللي تكرر
عليهم في الجيب والحراثه وقلابي السكس والدركتل والوايت وابوجنزير


قررو يسحبونها من بعيد


ربطوا عدة وايرات في بعض وطلعو ابو جنزير ويقولون ان الدركتل اللي سحبه على الزفلت


هههههههه الصبخة ما يلعب معها على الزفلت وعساك تسلم



http://www.upghlaha.com/files/v5nr8u93n8bd5rte9x30.jpg (http://www.upghlaha.com/)


ثم سحبو الدركتل




http://www.upghlaha.com/files/kwignpehfd9nu04gzm4g.jpg (http://www.upghlaha.com/)


والحمدلله على السلامه


هذي صورة للموقع من بعيد




http://www.upghlaha.com/files/w6g7goieshl2gjr1vc8x.jpg (http://www.upghlaha.com/)

[محب للروسان]

والله توهقو ودايم تحصل وقت الامطار والكشتات

يعطيك العافيه وهج
تحياتي

[..!غــرام احـبـاب!..]

ههههههههههههههههه


مشكوووووووووووووره وهج والله توهقو


الله يعين ياشيخه

[عاشق النور]

وهج

الله يعطيكي العافيه مشكوره

[وهج]

محب ههههههه

يعطيك العااافيه لاهنت وتشلم يالغالي

ع المرور

[وهج]

غرام توووهقووا امحق

فزعـــــــــه ههههههههه يعطيك

العااافيه لاهنت

[وهج]

عاااشق النووور

لاهنت شااااكره مرورك العذب

[الــــــنداوي]

هههههههههههههههههههه

بعض الفزعات ورطه
هاهاهاهاها

يعطيك العافيه

تحياتي

[وهج]

يعااافيك النداااوي

لاهنت شااكره تواااجدكــــ

[كامل الاوصاف]

هههاي شكرا اختي يعطيك العافيه تقبل مروري

[وهج]

كامل الاوصاااف

لاهنت شاااكره مرورك لاعدمتكـــ

[سـعـد الـرويـس]

ههههههههههههه

الله يعطيك العافيه

[وهج]

يعااافيــك سعد

لاهنت شاااكره ومقدره