اجمل ماقيل في القهوه العربيه .....

[ضاوي الرويس]

السلام عليكم ورحمة الله وبركاته

موضوعي اليوم اخواني عن القهوه العربيه وما قيل عنها من اشعار

وقد جمعت لكم عدة ابيات من شعراء كبار ارجو ان تعجبكم



http://www.islamonline.net/arabic/adam/2001/07/images/pic4.jpg


تقهو واسمع وش يقول الامير راكان بن فلاح ال حثلين





يامحلا الفنجال مع سيحة البال=في مجلساً مافيه نفساً ثقيلـه
هذا ولدعمً وهذا ولـد خـال=وهذا رفيقـاً مالقينـا مثيلـه


http://www.khayma.com/ahhgh/albaha38.jpeg


ويقول الشاعر محمد بن عبدالعزيز القحطاني وهو يوصي ابنه





يابو محمد شب واقضب مكاني=في غيبتي قهو الرجال المشاكيل
وفل الحجاج لكل من جاك عاني=وابدا التحيه قبل سوق الفناجيل


http://www.imaratarriyadh.gov.sa/images/sd19.jpg


ويقول شاعر من قبيلة مطير واسمه شليويح وهو يوصي ابنه نمر





امل الوجار وخلو الباب مفتوح=خوف المسير يستحي ماينادي
يانمر مافي صكة الباب مصلوح=ولاهي لهلكم يامظنـة فـؤادي


ويقول خلف بن هذال شاعر الوطن





سوولي الكيف وارهو لي من الدله=البن الأشقر يداوي الراس فنجالـه
كيف لنا نحرقـه بالنـار وانزلـه=واليا انقطع لو ورى صنعاء عنيناله


http://www.khalaad.net/Illustrator/Dallah2.gif


ويقول الشاعر ابن خشم الذيب العجمي





اشرب الفنجال واكب البيالـه=طيباً واحـب سلـم الطيبينـي
الولد ان طاب طيبه من خواله=وان تردا فاعرف انهم خايبيني




ويقول الشاعر دغيم الظلماوي من قبيلة شمر





ياكليب شب النار ياكليب شبه=عليك شبه والحطب لك ايجابي
وعلي انا ياكليب هيله وحبـه=وعليك تقليط الدلال النجابـي


http://www.alassaf.net/products/asleyahSetG.gif


ويقول الشاعر الامير محمد بن احمد السديري





يابجاد شب النار وادن الدلالـي=واحمس لنا يابجاد ما يقعد الراس





ويقول احد الشعراء





الدله اللي ماتبهر من الهيـل=مثل العجوز اللي خبيثاً نسمها




http://www.alassaf.net/products/BagdadeyahG.gif


آمل ان وفقت في الاختيار ...

تحياتي . ضاوي الرويس

[ضاوي الرويس]

لاهنت يالغالي على المرور


شاكر لك يالغلا ..


مودتــــي..

[فهد الرويس]

ضــاوي تــنــسيــق رائــع يــشدكـ الى قــراءة الـموضوع ,,


بــاركـ الله فــيــكـ


ولاتحــرمــنــا مــثــل هـــذهـ المواضـيـع الاكـــثـــر مــن رائــعــه


تــقـــبـــل مـــروريـ

[سيف الرويس]

وعليكم السلام ورحمة الله وبركاته


يا ريف قلبي للمسايير قم شب=وحط المناره في طويل الضلالي
وعقب تشب لها لجزل الحطب=وهات النجر واحضر جداد الدلالي
ثلاثٍ الهن راعي الكيف يطرب=وسوطهن ضمّر والآخر جلالي
وبطونهن ما اخذن اسبوعٍ عن الرب=وجنوبهن صفرٍ تلالى تلالي

الى اخر القصيده

ضاوي الرويس

ابيات رائعه وتنسيق أروع

لاااهنت

[صافي النواياا]

مشكـور يالغالـي...

["تہقہوى الہهہجہر"]

اشرب الفنجال واكب البيالـهطيباً واحـب سلـم الطيبينـي
الولد ان طاب طيبه من خوالهوان تردا فاعرف انهم خايبيني


شكرا لك يا ضاوي على هذا الطرح

تقبل مروري واعجابي

[ابن مضحي]

تسلم على الموضوع بارك الله فيك
تحياتي لك

[رويس القرنه]

تسلم ياضاوي على هذا الموضوع الاكثر من رائع

ولا هنت على الصور


تقبل مروري

تحياتي

رويس..القرنه

[ضاوي الرويس]

الله يعطيكم العافيه


شاكر لكم جميعا على المرور

وانارة الصفحه


مودتي...,

[ضاوي الرويس]

دلع الروسان .

شاكر لك المرور

مودتـــــي,,

[الذيب الاشهب]

يعطيك العافيه اخوي ضاوي وما قصرت الابيات كلها روووووووووووووووعه
والقهوه العربيه هي كيف الراس وما لنا غناة عنها
ومجهودك جميل

..مغليك..

........الذيب الاشهب ,,,,,,,,

[ضاوي الرويس]

الذيب الاشهب

مرورك الاروع يالغلا


مودتـــــي