قصيده للشاعر برق الشمال [الأرشيف] - منتديات قبيلة الروسان

الذيب الاشهب

01-12-2008, 04:23 AM

هذه القصيده للشــاعر القدير000برق الشمـال

((عبد الكـريم الظفيري ))

وإن شا ء الله انها بتعجبكم000

يا تّل قلبي تّل دلـو(ن) مـن البيـر
من عروته تّلـه مـن البيـر ظامـي
يطرد ورا خمسة نيـاق(ن) مغاتيـر
ضيعهـن الله مـن ثلاثيـن عـامـي
وأتلا حلاله شـاة مكشـات وأبعيـر
من عقب ذود(ن) بألف ذود(ن) يسامي
وإلا كمـا تّـل الـرشـا للنواعـيـر
لاشـد حبـل بكارهـا بالخطـامـي
تصيح مثل صياح ليلى علـى الزيـر
ويـن النشامـا لابسيـن الحـزامـي
يا بو حمد ما عـاد بالـراس تفكيـر
والجسم ما عـادت تشيلـه عظامـي
على الذي لامنّـي أطريتـه أعصيـر
يفـز قلبـي لـه بـأدب وإحترامـي
شبيه نفسـه فـاق وصـف الغناديـر
الطول بصري ،، والمحيـان شامـي
أدعج عنج كّـن الزهـر والنواويـر
تفتحـت فـي خـد بـدر التمـامـي
سبحان من صـور حلايـاه تصويـر
وخـلاه فتنـه للبـشـر والانـامـي
وخلى حياتي من تولعـت بـه غيـر
لاشفت زوله صرت مـدري علامـي
أكّـن لـه حـب ومـوده وتقـديـر
وأصير لـه بالنـار بـرد وسلامـي
له بالحشا لجّـه وصفقـه وتصفيـر
يفيـض حبـه ويتبعـثـر غـرامـي
من عذره ليامن مشا يخلـف السيـر
ولامن وقف في وقفته أمـر سامـي
ماعنـدي بهّـزه للاكتـاف تفسـيـر
إلا أن قلبـه فـوق الأشـواق حامـي
مشكاي يا ملجاي يـا مسنـدي طيـر
عجـل وقلـي يـا رفيـع المقامـي
وشحيلة اللي صوبـه سهـم تخديـر
مـن عينـه اللـي عوفتنـي منامـي
واذا اشتكيت لقاضي الحب يـا منيـر
صار الحلال بشرع غيـري حرامـي
وإلا حكمنـي حكـم جايـر وتعزيـر
مـا كنـه بدنيـاه صلـى وصامـي
يا وجد حالي وجد راعـي مخاسيـر
من عقب نومه فوق ريـش النعامـي
يطقهـا عوجـا ،، وتقفـي مدابيـر
حتـى تنـكّّـر للـزمـن باللثـامـي
على الـذي يامنيـر مامنـه تقصيـر
كامل مكمّل ،، فوق صدره وسامـي
كن العسل يقطر مـن شفـاه تقطيـر
ممشوق قامـة عـود ريـان نامـي
الزيـن ملكـه والحـلا فيـه تأثيـر
والحسن لامن شاف حسنـه يظامـي
تكتب من أوصافـه روايـه وتعبيـر
فيه الطبيعـه لابسـه ثـوب خامـي
وأنـا الطبيعـه وكلتنـي خوابـيـر
مـا تعتـرف بالطيبيـن الحشـامـي
ياللي تسوي بي كذا ماأنـت والخيـر
حكمتنـي بالمـوت وأنـت المحامـي
خف بي من الله ،، يالله بدون تفكيـر
إسرج لـي ركابـك وشّـد اللجامـي
ما بيـن تهليلـه ومـا بيـن تكبيـر
حسبي على اللي مـا يقـدر كلامـي
يامنيـر راح وروحـتّـه المقـاديـر
وبروحتـه خلـى حياتـي ظـلامـي
ياكثـر مـا قضيتـهـا بالمشـاويـر
في غيبته كنت أحسب اليـوم عامـي
يوم وشهر واسبـوع وسنيـن تدويـر
أدوّره حتـى وأنـا فــي منـامـي
أنشد وأدور وأسـأل النـاس وأصيـر
بعيونهم مـن شـان عينـه حرامـي
وليا وصفته ،، جوك حولي طوابيـر
كلن يقول بخاطـره ،، مـا يلامـي
وأقول مثل اللـي تقـول الأساطيـر
عمي وتكرم لأجـل عينـه عمامـي
يامنير صار القلـب لـوح وطباشيـر
يكتب حروف أسمه على جرح دامـي
يابو حمد بالشـور قلـي وش تشيـر
عجل قبـل يجمـع شتاتـي حطامـي
****<وسلمتكم****>
منقووووووووووله