ذيب الذيابه

[محمد مطلق الرويس]

ما يسرك في المواقف والطلابه = كود من جات الحميه من طبوعه
وقفته تلقابها عز ومهابه = وأن نصاه العلم ما اهتزت ضلوعه
لا نصيته فز وأسرع بالاجابه = شبه حر (ن) لانهض لحظة طلوعه
يعجبك في خف دمه والذرابه = صيرمي في زمنا قل نوعه
بان طيبه للبعيد وللقرابه = يوم غيره خص بالفزعه ربوعه
من عناله من بعيد ودق بابه = سنع أمره بعد ما ياكل قدوعه
لاقلط في مجلسه يلقى الرحابه = تذهب إتعابه ولايشعر بجوعه
سعد من حطه يمينه واعتزابه = بإذن ربي مايحصل ما يلوعه
ياعسى يسلم لنا ذيب الذيابه = يوم بعض الناس ماتنفع فزوعه

[فهد الرويس]

ابو بدر

كل عام وانت بخير ومن العايدين

صح لسانك واعتلى شانك

قصيده اقل مايقال عنها رائعه

لاهنت يا المبدع

تحياتي

[ثابت]

ما يسرك في المواقف والطلابه = كود من جات الحميه من طبوعه
وقفته تلقابها عز ومهابه = وأن نصاه العلم ما اهتزت ضلوعه



أخي أبو بدر

دائماً راعي الطيب مايجيب إلا طيب
قصيدة جزلة أحتوت على كثير من مواقف المرجله
ولو رجعنا إلى توقيع الذي دونته بأسم والدك حفظة الله
فحقيقة يحتوي على معاني كثيرة لا يمكن على الشخص العادي ان يحصيها
والنعم بك وبوالدك
موفق دائماً

[الهبداني]

صح لسانكـ قصيده طيبه
لاهنتــ يالذيب تقبل تحيآآآتي

[~ ديمه ~]

أولا : حمد للمنان الذي الذي أغدق علينا اليوم كرمه
بهطولك و أنعش القسم بربيع أبياتك بعد جدب مكانك ..
فأهلا بك تقولها فرحتنا بعناق همسات حروفك


دقيقة صمت ... فقط
لأتأمل حروفك كيف تُكتب ؟

شاعر الحكمة والهيبة والعذوبة والجمال ..
أنت لم تكتب حروفاً بل نظمت أحاسيس عذبة منقطعة النظير ،،
تلك المعاني جذبتنا من بعيد لتستقر عندها قلوبنا قبل عقولنا ،،
خيالٌ جامح ،، ومعاني قوية تستعمر الذاكرة ،،

هنا نظم شعري تعدى حدود اللا معقول في عالم الشعر اليوم ..
..{

أبيات جذبت من يمر بجانب حروفها الممغنطة
التي حركت كل رواكد الإحساس فينا ..
،،

أخي محمد .. رائعٌ أنت
،،
دثرني دوما من عبقك أيها الرائع

وكل عام وأنت بخير ..

أختك
Deemah

[محمد مطلق الرويس]

الاخ العزيز

فهيد الرويس

كل عام وأنت بخير ومن العايدين


صح بدنك وتشرفت بمرورك الكريم وتدوين كلماتك الصادقة

مع تحياتي وتقديري

أخوك / أبوبدر

[محمد مطلق الرويس]

الاخ العزيز / ثابت

صح بدنك وماعليك زود يالغالي وتشرفت

بمرورك الكريم

مع خالص تحياتي وتقديري

أخوك/ أبو بدر

[وهج]

صح لسانك يابو مطلق
قصيده جزله من شاعر جزل